డ్రగ్స్ కేసులో దర్శకుడు పూరీ జగన్నాథ్, నటుడు తరుణ్ లకు ఫోరెన్సిక్ సైన్సు ల్యాబ్ (ఎఫ్.ఎస్.ఎల్.) నివేదిక క్లీన్ చిట్ ఇచ్చింది. 2017 లో తెలంగాణా ఎక్సైజ్ శాఖ టాలీవుడ్ కు చెందిన పలువురు నటులు, దర్శకులను విచారించింది, ఈ విచారణ సందర్భంగా పూరీ, తరుణ్ స్వచ్ఛందంగా ఇచ్చిన గోళ్ళు, వెంట్రుకలు, రక్తంలో ఎలాంటి డ్రగ్స్ ఆనవాళ్ళు లభించలేదని నివేదికలో వెల్లడైంది. ఈ విషయమై గత ఏడాది డిసెంబర్ లోనే ఎఫ్.ఎస్.ఎల్. నివేదిక ఇచ్చినట్లు ఎక్సైజ్ శాఖ తెలిపింది.
ఈ మేరకు ఎక్సైజ్ శాఖ రంగారెడ్డి జిల్లా కోర్టులో ఛార్జ్ షీట్ దాఖలు చేసింది, ఎఫ్.ఎస్.ఎల్. నివేదికను కూడా దానితో జత చేసింది. డిసెంబర్ 9న విచారణకు హాజరు కావాలని కెల్విన్ కు కోర్టు సమన్లు జారీ చేసింది.
 నివేదిక క్లీన్ చిట్ ఇచ్చింది.){kind=link}