Focus Poster: విజ‌య్ శంక‌ర్, అషూ రెడ్డి, సుహాసిని మణిరత్నం, భానుచంద‌ర్ ప్ర‌ధాన పాత్ర‌ల‌లో జి. సూర్య‌తేజ దర్శకత్వం వ‌హిస్తున్న సస్పెన్స్ థ్రిల్లర్ మూవీ ‘ఫోకస్’. మర్డర్‌ మిస్టరీ బ్యాక్‌డ్రాప్‌లో ఆసక్తికరమైన కథ-క‌థ‌నాల‌తో ప్రేక్షకులను ఆద్యంతం ఆశ్చర్యపరిచే విధంగా ఈ మూవీ తెరకెక్కింది. ఇప్ప‌టికే విడుద‌లైన ఫ‌స్ట్‌ లుక్ పోస్టర్, వేలంటైన్స్‌ డే సంద‌ర్భంగా రిలీజైన పోస్ట‌ర్స్‌ కి మంచి రెస్పాన్స్ వ‌చ్చింది. తాజాగా ఫోకస్ మూవీ నుండి సీనియ‌ర్ న‌టి సుహాసిని మణిరత్నం స్పెష‌ల్ లుక్ పోస్టర్ ను స్టార్ రైట‌ర్ విజ‌యేంద్ర‌ప్ర‌సాద్ ఆవిష్క‌రించారు.
విజ‌యేంద్ర‌ప్ర‌సాద్ మాట్లాడుతూ “ఇప్పుడే టీజ‌ర్ చూశాను. చాలా బాగుంది. ఇంకా మంచి పాత్ర‌లు చాలా ఉన్నాయి. అంద‌రూ ఈ సినిమాని చూసి ఎంక‌రేజ్ చేయండి. టీమ్ అంద‌రికీ ఆల్ ది బెస్ట్‌“ అన్నారు.
చిత్ర ద‌ర్శ‌కుడు జి. సూర్య‌తేజ మాట్లాడుతూ “నేను దర్శకత్వం వ‌హించిన మొద‌టి చిత్రం `ఫోకస్`. ఈ సినిమాలోని సుహాసిని గారి లుక్ ను ఎన్నో సూప‌ర్ హిట్ చిత్రాల‌కు క‌థల‌ను అందించిన విజ‌యేంద్ర‌ప్ర‌సాద్ గారు విడుదల చేయ‌డం చాలా సంతోషంగా ఉంది. భాను చంద‌ర్‌, షియాజీ షిండే, జీవా, సూర్య భ‌గ‌వాన్ ఇలా చాలా మంది ఆర్టిస్టులు ఈ సినిమాలో న‌టించారు. సస్పెన్స్ థ్రిల్లర్ మూవీ ఇది. షూటింగ్ పూర్త‌యింది. ప్ర‌స్తుతం పోస్ట్ ప్రొడ‌క్ష‌న్ జ‌రుగుతోంది. మార్చిలో రిలీజ్ చేయ‌డానికి స‌న్నాహాలు చేస్తున్నాం“ అన్నారు.
