వినోదంతో కూడిన వైవిధ్యమైన చిత్రాలు రూపొందిస్తూ తనకంటూ ఒక మార్క్ ని సంపాదించుకున్నారు దర్శకుడు మేర్లపాక గాంధీ. యంగ్, ప్రామిసింగ్ హీరో సంతోష్ శోభన్ తో ‘లైక్ షేర్ & సబ్‌ స్క్రైబ్‘ చిత్రాన్ని ప్రస్తుతం గాంధీ రూపొందిస్తున్నారు. సంతోష్ గత సినిమా ‘ ఏక్ మినీ కథ’ కు కథ, స్క్రీన్ ప్లే గాంధీ అందించారు. దీనితో వీరి కలయికలో వస్తున్న రెండో చిత్రమిది.
ఈ సినిమాలో సంతోష్ శోభన్ జోడిగా ‘జాతి రత్నాలు ‘ఫేమ్ ఫరియా అబ్దుల్లా నటిస్తోంది. బ్లాక్ బస్టర్ హిట్ ‘శ్యామ్ సింగరాయ్‌’ ని అందించిన వెంకట్ బోయనపల్లికి చెందిన నిహారిక ఎంటర్‌టైన్‌మెంట్స్‌తో కలిసి ఆముక్త క్రియేషన్స్ ఈ చిత్రాన్ని నిర్మిస్తోంది.
ఇటివలే విడుదలైన ఈ సినిమా ఫస్ట్‌లుక్‌ పోస్టర్‌, టైటిల్‌ కు ట్రెమండస్ రెస్పాన్స్ వచ్చింది. హీరో, హీరోయిన్ లుక్ సోషల్ మీడియాలో ట్రెండ్ అవుతున్నాయి. తాజాగా ఈ చిత్రం నుండి నెల్లూరు సుదర్శన్ ఫస్ట్ లుక్ విడుదలైయింది. బాలీవుడ్ సినిమాటోగ్రఫర్ జాక్ డేనియల్స్ గా సుదర్శన్ ఫస్ట్ లుక్ ఆకట్టుకుంది. ఈ చిత్రానికి ప్రవీణ్ లక్కరాజు సంగీతం అందిస్తుండగా, వసంత్ సినిమాటోగ్రాఫర్ గా, అవినాష్ కొల్లా ప్రొడక్షన్ డిజైనర్ గా పని చేస్తున్నారు.
Also Read: సంతోష్ శోభన్ ‘లైక్ షేర్; సబ్‌స్క్రైబ్’ ఫస్ట్ లుక్ విడుదల
