అఖిల్ నటించిన భారీ పాన్ ఇండియా మూవీ ‘ఏజెంట్’. ఈ చిత్రానికి సురేందర్ రెడ్డి దర్శకత్వం వహించారు. అనిల్ సుంకర ఈ చిత్రాన్ని నిర్మించారు. అఖిల్ కు జంటగా సాక్షి వైద్య నటించింది. మమ్ముట్టి కీలక పాత్ర పోషించడంతో ఈ సినిమా పై మరింత ఆసక్తి ఏర్పడింది. అయితే.. ఎప్పుడైతే ప్రమోషన్స్ స్టార్ట్ చేశారో అప్పటి నుంచి బిజినెస్ సర్కిల్ లోనూ, ప్రేక్షకుల్లోనూ విపరీతమైన క్రేజ్ ఏర్పడింది.
ఇక అసలు విషయానికి వస్తే.. ఈ మూవీ సెన్సార్ కార్యక్రమాలు పూర్తి చేసుకుంది. సెన్సార్ బోర్డ్ ఈ చిత్రానికి యూ/ఏ సర్టిఫికెట్ ఇచ్చింది. ఇక రిలీజ్ కి అంతా రెడీ అయ్యింది. ఈ నెల 28న వరల్డ్ వైడ్ గా భారీ స్థాయిలో విడుదల చేయనున్నారు. ఈ సినిమాలో ఓ మాస్ సాంగ్ ఉందని ఎప్పటి నుంచో చెబుతున్నారు మేకర్స్. ఈ మాస్ సాంగ్ ను రిలీజ్ చేశారు. ఇలా రిలీజ్ చేశారో లేదో… అలా యూట్యూబ్ లో రికార్డ్ వ్యూస్ తో దూసుకెళుతుంది. దీంతో మూవీ పై మరింత క్యూరియాసిటీ పెరిగింది. ఈ మూవీ రన్ టైమ్ 156 నిమిషాలు. అంటే.. 2 గంటల 36 నిమిషాలు.
రన్ టైమ్ ఎక్కువా కాకుండా.. తక్కువ కాకుండా కరెక్ట్ గా సెట్ అయ్యేలా కట్ చేశారు. సినిమా ప్రారంభం నుంచి ముగింపు వరకు ఎక్కడా బోర్ అనేది లేకుండా ఉంటుందని సమాచారం. ఈ మూవీలోని యాక్షన్ స్టంట్స్ ఆడియన్స్ కి థ్రిల్ కలిగిస్తాయని.. ఓ కొత్త తరహా చిత్రం చేశామనే ఫీలింగ్ కలిగిస్తుందని మేకర్స్ గట్టి నమ్మకంతో ఉన్నారు. అలాగే అక్కినేని అభిమానులు ఎప్పటి నుంచో ఎదురు చూస్తున్న బ్లాక్ బస్టర్ ఈ సినిమాతో వస్తుందని నమ్ముతున్నారు. మరి.. ఏజెంట్ బాక్సాఫీస్ దగ్గర ఏ రేంజ్ సక్సెస్ సాధిస్తాడో చూడాలి.
