అల్లు అర్జున్ ప్రస్తుతం పుష్ప సీక్వెల్ ‘పుష్ప 2’ చేస్తున్నారు. సుకుమార్ డైరెక్షన్ లో రూపొందుతోన్న చిత్రం పై భారీ అంచనాలు ఉన్నాయి. మైత్రీ మూవీ మేకర్స్ ఈ చిత్రాన్ని అత్యంత ప్రతిష్టాత్మకంగా నిర్మిస్తుంది. వచ్చే సంవత్సరం ప్రేక్షకుల ముందుకు రానున్న పుష్ప 2 ఏ రేంజ్ సక్సెస్ సాధిస్తుంది అనేది అటు అభిమానుల్లోనూ, ఇటు ఇండస్ట్రీలోనూ ఆసక్తిగా మారింది. ఇదిలా ఉంటే.. బన్నీ ఊహించని విధంగా సందీప్ రెడ్డి వంగతో భారీ పాన్ ఇండియా మూవీని అనౌన్స్ చేశారు.
ఈ మూవీని అనౌన్స్ చేసినప్పటి నుంచి అసలు ఈ మూవీ స్టోరీ ఏంటి..? ఓ జోనర్ మూవీ..? ఎప్పుడు స్టార్ట్ అవుతుంది..? ఇలా అనేక ప్రశ్నలు. అయితే… అల్లు అర్జున్ తన రెస్పాన్స్ ని సోషల్ మీడియాలో షేర్ చేశారు. ఇంతకీ ఏం చెప్పారంటే.. ప్రస్తుతానికి నిశ్శబ్దంగానే ఉన్నాను. ఈ కాంబినేషన్ కోసం ఎదురు చూస్తున్నాను. సందీప్ రెడ్డి వంగ గారిలో ఉన్న మ్యాజిక్ ఏదో నన్ను టచ్ చేసింది. ఖచ్చితంగా చాలా కాలం పాటుగా గుర్తుండిపోయే ఓ సినిమా మేము అందిస్తామని అనుకుంటున్నాను అని ఈ సినిమా గురించి బన్నీ చెప్పడం ఆసక్తిగా మారింది.
ఈ భారీ పాన్ ఇండియా మూవీని టీ సిరీస్ భూషణ్ కుమార్ నిర్మించనున్నారు. అయితే.. ఎప్పుడు స్టార్ట్ అవుతుందో క్లారిటీ లేదు. ప్రస్తుతం సందీప్ రెడ్డి వంగ యానిమల్ అనే సినిమా చేస్తున్నారు. ఇది ఆగష్టులో రిలీజ్ కానుంది. ఆతర్వాత ప్రభాస్ తో సందీప్ రెడ్డి స్పిరిట్ అనే భారీ పాన్ ఇండియా మూవీ చేయనున్నారు. మరో వైపు బన్నీ పుష్ప 2 తర్వాత త్రివిక్రమ్ తో సినిమా చేయనున్నారు. ఆతర్వాత సందీప్ రెడ్డితో సినిమా సెట్స్ పైకి వస్తుందని సమాచారం. మరి.. బన్నీ, సందీప్ రెడ్డి వంగ కలిసి ఏ రేంజ్ సక్సెస్ సాధిస్తారో.?
