Share to Facebook Share to Twitter share to whatapp share to telegram

పురుషుల టి 20 వరల్డ్ కప్ లో ఐర్లాండ్ పై ఆస్ట్రేలియా 42 పరుగుల తేడాతో విజయం సాధించింది. ఆసీస్ ఇచ్చిన 180 పరుగుల లక్ష్య ఛేదనలో ఐర్లాండ్ 18.1 ఓవర్లలో 137పరుగులకు ఆలౌట్ అయ్యింది. ఓ దశలో 25పరుగులకే 5 వికెట్లు కోలోయిన ఐర్లాండ్ జట్టులో లోర్కాన్ టక్కర్ ఒంటరి పోరాటం చేసి 48 బంతుల్లో 9 ఫోర్లు, 1సిక్సర్ తో 71  పరుగులు చేసి నాటౌట్ గా నిలిచాడు, దీనితో ఐర్లాండ్ భారీ ఓటమి నుంచి తప్పించుకుంది.

బ్రిస్బేన్ లోని గబ్బా స్టేడియంలో జరిగిన ఈ  మ్యాచ్ లో ఐర్లాండ్ టాస్ గెలిచి బౌలింగ్ ఎంచుకుంది. ఓపెనర్ డేవిడ్ వార్నర్ (3) ఈ మ్యాచ్ లోనూ విఫలమయ్యాడు. కెప్టెన్ పించ్-63; స్టోనిస్-35; మిచెల్ మార్ష్-28 పరుగులతో రాణించడంతో నిర్ణీత 20 ఓవర్లలో 5 వికెట్లకు 179 పరుగులు చేసింది. ఐర్లాండ్ బౌలర్లలో బ్యారీ మెక్ కార్తీ మూడు; జాషువా లిటిల్ రెండు వికెట్లు పడగొట్టారు.

ఆ తర్వాత ఆసీస్ బౌలర్ల ధాటికి బ్యాటింగ్ లైనప్ కకావికలం అయ్యింది.  లోర్కాన్-71 మాత్రమే రాణించాడు. మరో ముగ్గురు మాత్రమే రెండంకెల స్కోరు దాటారు.

ఆసీస్ బౌలర్లలో పాట్ కమ్మిన్స్, గ్లెన్ మాక్స్ వెల్, మిచెల్ స్టార్క్, ఆడమ్ జంపా తలా రెండు; మార్కస్ స్టోనిస్ ఒక వికెట్ పడగొట్టారు.

ఆసీస్ కెప్టెన్ ఆరోన్ పించ్ కు ‘ప్లేయర్ అఫ్ ద మ్యాచ్’ దక్కింది.

Also Read : ఇండియాపై సౌతాఫ్రికా విజయం

Leave a Reply

Your email address will not be published. Required fields are marked *

Powered by Digital Ocean Design and Developed by Trade2online.com