బాలకృష్ణ ప్రస్తుతం ‘వీరసింహారెడ్డి మూవీ చేస్తున్నారు. ఈ చిత్రానికి మలినేని గోపీచంద్ దర్శకత్వం వహిస్తున్నారు. బాలయ్య సరసన శృతిహాసన్ నటిస్తుంది. ప్రముఖ నిర్మాణ సంస్థ మైత్రీ మూవీ మేకర్స్ ఈ మూవీని నిర్మిస్తుంది. ఇటీవల రిలీజ్ చేసిన టైటిల్ మోషన్ పోస్టర్ సినిమా పై మరింత క్రేజ్ ను పెంచేసింది. ప్రస్తుతం షూటింగ్ చివరి దశలో ఉంది. రాయలసీమ ఫ్యాక్షన్ నేపథ్యంలో తెరకెక్కుతున్న ఈ చితాన్ని సంక్రాంతికి భారీ స్థాయిలో విడుదల చేయాలనే ఆలోచనలో ఉన్నారు.
అయితే.. ఈ సినిమా తర్వాత బాలయ్య.. అనిల్ రావిపూడితో భారీ చిత్రం చేయనున్నారు. ఈ మూవీని ఎప్పుడో ప్రకటించారు. ప్రస్తుతం ప్రీ ప్రొడక్షన్ వర్క్ జరుగుతుంది. త్వరలోనే ఈ సినిమాని సెట్స్ పైకి తీసుకెళ్లనున్నారు. తండ్రీకూతుళ్ల ఎమోషన్ ప్రధానంగా నడిచే కథ ఇది. కూతురు పాత్రకిగాను ఆల్రెడీ శ్రీలీల ఎంపిక జరిగిపోయింది. కథానాయిక ఎవరు అనేది ఇంకా ఫైనల్ కాలేదు. ఇక అసలు విషయానికి వస్తే… ఈ సినిమాకి రామారావు గారు అనే టైటిల్ ను పరిశీలిస్తున్నట్టుగా గత కొంత కాలంగా వార్తలు వస్తున్నాయి.
ఇప్పుడు ఈ టైటిల్ ను ఖరారు చేయవచ్చనే టాక్ బలంగా వినిపిస్తోంది. ఈ కథను బాలయ్యకు అనిల్ ఎప్పుడో చెప్పారు. అలాగే టైటిల్ కూడా చెప్పారు. కథ, టైటిల్ నచ్చడంతో వెంటనే ఓకే చెప్పారు. ఇప్పటికి ఈ ప్రాజెక్ట్ సెట్ అయ్యింది. ఇందులో బాలయ్య క్యారెక్టర్ చాలా డిఫరెంట్ గా ఉంటుందట. అయితే.. రామారావు గారు అనే టైటిల్ నే పెడితే మూవీకి మరింత క్రేజ్ రావడం ఖాయం. మరి.. త్వరలోనే టైటిల్ ను అనౌన్స్ చేస్తారేమో చూడాలి
