మెగాస్టార్ చిరంజీవి హీరోగా 150కు పైగా సినిమాల్లో న‌టించారు. అయితే.. నిర్మాతగా మాత్రం చేయ‌లేదు. అంజ‌నీ ప్రొడక్షన్స్ బ్యానర్ పై నాగబాబు సినిమాలు నిర్మించారు. కొణిదెల ప్రొడ‌క్ష‌న్ కంపెనీ అంటూ రామ్ చ‌ర‌ణ్ నిర్మాణ సంస్థ‌ను స్టార్ట్ చేశారు. ఈ బ్యానర్ లో సైరా న‌ర‌సింహారెడ్డి, ఆచార్య చిత్రాల‌ను నిర్మించారు. ఈ చిత్రాల‌కు చ‌ర‌ణ్ నిర్మాత. అయితే.. ఫ‌స్ట్ టైమ్ చిరంజీవి ‘లాల్ సింగ్ చ‌డ్డా‘ కి స‌మ‌ర్ప‌కుడిగా వ్య‌వ‌హ‌రిస్తున్నారు.
ఇప్పుడు నిర్మాతగా మారి ఓ క్రేజీ మ‌ల్టీస్టార‌ర్ ను నిర్మించాల‌ని ప్లాన్ చేస్తున్నార‌ని వార్తలు వ‌స్తున్నాయి. ఇంత‌కీ.. ఈ క్రేజీ మ‌ల్టీస్టార‌ర్ ఎవ‌రితో అంటే.. నాగార్జున, అఖిల్ తో అని స‌మాచారం. మేట‌ర్ ఏంటంటే… గాడ్ ఫాద‌ర్ ని డైరెక్ట్ చేస్తున్న మోహన్ రాజా చిరంజీవి, చ‌ర‌ణ్ ల కోస‌మ‌ని ఓ మ‌ల్టీస్టార‌ర్ స్టోరీని చిరంజీవికి వినిపించాడ‌ట. అయితే చిరంజీవి ఆ సినిమాలో నాగార్జున, అఖిల్` నటిస్తే బావుంటుందని సూచించారట. అంతేకాకుండా తాను నిర్మాతగా వ్యవహరిస్తానని మోహన్ రాజాకు మాటిచ్చారని స‌మాచారం.
నాగార్జున లాంటి స్టైలిష్ హీరో ఆ కథకు అవసరమని భావించి మోహన్ రాజాకు ఈ సూచన చేశారని తెలిసింది. ఇక ఈ కథను విని నాగ్, అఖిల్ కూడా వెంటనే ఓకే చెప్పారని స‌మాచారం. అన్నీ సవ్యంగా జరిగితే మెగాస్టార్ చిరంజీవి ఈ చిత్రాన్ని కొణిదెల ప్రొడక్షన్స్ బ్యానర్ పై నిర్మిస్తారు. నాగ్ కి చెందిన అన్నపూర్ణ స్టూడియోస్ కూడా భాగస్వామిగా ఉంటుంది. త్వ‌ర‌లో ఈ మూవీని ప్ర‌క‌టిస్తార‌ని టాక్.
Also Read : లాల్ సింగ్ చ‌డ్డాపై ఇంట్ర‌స్ట్ క్రియేట్ చేసిన చైతూ
