మెగాస్టార్ చిరంజీవి ప్రస్తుతం ‘గాడ్ ఫాద‌ర్’ మూవీ చేస్తున్నారు. ‘మోహ‌న‌రాజా’ ఈ చిత్రానికి ద‌ర్శ‌క‌త్వం వ‌హించారు. ద‌స‌రా కానుక‌గా అక్టోబ‌ర్ 5న ఈ మూవీ రిలీజ్ కానుంది. దీనితో పాటు ‘వాల్తేరు వీర‌య్య’, ‘భోళా శంక‌ర్’ చిత్రాలు చేస్తున్నారు. అలాగే ‘మారుతితో’ ఓ సినిమా చేస్తాన‌ని అంద‌రి ముందు ప్రకటించారు చిరంజీవి. ఈ మూవీస్ తో పాటు మరో యంగ్ డైరెక్టర్ వెంకీ కుడుములతో ఓ ప్రాజెక్ట్ కు మెగాస్టార్ గ‌తంలో గ్రీన్ సిగ్నల్ ఇచ్చారు.
‘ఆర్ఆర్ఆర్’ సినిమాను అత్యంత ప్ర‌తిష్టాత్మ‌కంగా నిర్మించిన పాన్ ఇండియా మూవీ స్టార్ ప్రొడ్యూసర్ డీవీవీ దానయ్య ఈ మూవీని నిర్మించబోతున్నానంటూ గతంలోనే ప్రకటించారు. అయితే.. ఈ ప్రాజెక్ట్ కు సంబంధించి ఎలాంటి అప్ డేట్ లేదు. చిరు వరుస ప్రాజెక్ట్ లలో బిజీగా వుండటం అదే సమయంలో మారుతితో సినిమా చేయడానికి చిరు ఆసక్తిని చూపించడం.. వెంకీ కుడుముల ప్రాజెక్ట్ చిరు పక్కన పెట్టినట్లు తెలుస్తోంది. ఈ ప్రాజెక్ట్ ఇక దాదాపు లేనట్టే అనే టాక్ వినిపిస్తుంది.
చిరు నుంచి ఎలాంటి అప్ డేట్ లేక‌పోవ‌డంతో చిరుతో ప్రాజెక్ట్ పట్టాలెక్కడం కష్టమని భావించిన వెంకీ కుడుముల ప్రస్తుతం యంగ్ హీరోస్ ని మెప్పించే ప‌నిలో ఉన్నాడ‌ట. మ‌రి.. ఏ యంగ్ హీరో వెంకీకి ఛాన్స్ ఇస్తాడో చూడాలి.
Also Read: గాడ్ ఫాద‌ర్; రిలీజ్ పై కొనసాగుతున్న పుకార్లు
