నందమూరి కళ్యాణ్ రామ్ క‌థానాయ‌కుడిగా నటిస్తోన్న లేటెస్ట్ పీరియాడిక్ స్పై థ్రిల్ల‌ర్ ‘డెవిల్’. ‘ది బ్రిటీష్ సీక్రెట్ ఏజెంట్’ ట్యాగ్ లైన్. టైటిల్ వింటుంటేనే క‌థానాయ‌కుడు సినిమాలో విల‌న్స్‌ను ఏ రేంజ్‌లో ఓ ఆటాడుకుంటాడ‌నే విష‌యం స్ప‌ష్ట‌మ‌వుతుంది. నందమూరి కళ్యాణ్ రామ్‌లోని ఓ కొత్త కోణాన్ని ఎలివేట్ చేయ‌నుంద‌నే విష‌యం స్ప‌ష్ట‌మ‌వుతుంది. రీసెంట్‌గా విడుద‌లైన ‘డెవిల్’ టీజ‌ర్‌తో ఈ సినిమా పై అప్ప‌టికే ఉన్న అంచ‌నాలు మ‌రింత‌గా పెరిగాయి. న‌వంబ‌ర్ 24న ఈ చిత్రాన్ని ప్ర‌పంచ వ్యాప్తంగా గ్రాండ్ రిలీజ్ చేస్తున్నారు. తాజాగా ఈ సినిమా నుంచి ‘మాయే చేసే..’ అనే పాటను సెప్టెంబ‌ర్ 19న విడుదల చేయ‌బోతున్న‌ట్లు మేకర్స్ తెలియ‌జేశారు. ఐకాన్ మ్యూజిక్ నుంచి ఈ సినిమా పాట‌ల‌ను విడుదల చేస్తున్నారు.
అభిషేక్ నామా ‘డెవిల్’ మూవీని డైరెక్ట్ చేస్తూ నిర్మించారు. ఇది ప్రారంభం మాత్రమేనని, ప్రేక్షకులకు ఈ మూవీ మంచి మ్యూజికల్ జర్నీని మరుపురాని అనుభూతినిస్తుందని మేకర్స్ తెలిపారు. ప్రముఖ సింగర్ సిద్ శ్రీరామ్ పాడిన ఈ పాటకు హర్షవర్ధన్ రామేశ్వర్ సంగీతాన్ని అందించారు. సత్య ఆర్.వి పాటను రాశారు. నందమూరి కళ్యాణ్ రామ్, సంయుక్త అద్భుతమైన పెర్ఫామెన్స్ చేశారని… ఇద్దరి మధ్య కెమిస్ట్రీ, సినిమా కథ, కథనం ప్రేక్షకులను ఆకట్టుకుంటుందని మేకర్స్ తెలియచేశారు. ఎన్నో మంచి చిత్రాను అందించిన అభిషేక్ పిక్చర్స్ సంస్థ ఈ సినిమాను రూపొందిస్తోంది. శ్రీకాంత్ విస్సా ఈ చిత్రానికి మాట‌లు, స్క్రీన్ ప్లే, క‌థ‌ను అందించారు. హర్షవర్ధన్ రామేశ్వర్ సంగీత సార‌థ్యం వ‌హిస్తుండ‌గా సౌంద‌ర్ రాజ‌న్ సినిమాటోగ్రాఫ‌ర్‌గా వ‌ర్క్ చేశారు. గాంధీ నడికుడికర్ ఈ సినిమాకు ప్రొడఓన్ డిజైనర్‌గా బాధ్యతలను నిర్వహించారు. త‌మ్మిరాజు ఎడిట‌ర్‌గా వ‌ర్క్ చేస్తున్నారు.
