మాస్ మహారాజా రవితేజ ‘ధమాకా’ మేకర్స్ చార్ట్‌బస్టర్‌ ‘జింతాక్’తో గ్రాండ్ మ్యూజిక్ ప్రమోషన్లు ప్రారంభించారు. ఇప్పుడు సెకండ్ సింగిల్ ‘మాస్ రాజా’ విడుదల చేస్తున్నట్లు ప్రకటించారు. ఈ పాట సినిమా ఇంట్రడక్షన్ సాంగ్ అని తెలుస్తోంది. ఈ సాంగ్‌లో మాస్ మహారాజా మాస్ డ్యాన్స్‌లను చూడటానికి అభిమానులు ఆసక్తిగా ఎదురుచూస్తున్నారు.
త్రినాథరావు నక్కిన దర్శకత్వం వహిస్తున్న ఈ చిత్రానికి భీమ్స్ సిసిరోలియో సంగీతం అందిస్తున్నారు. పూర్తి స్థాయి యాక్షన్ ఎంటర్‌టైనర్‌గా రూపొందుతున్న ఈ చిత్రాన్ని టిజి విశ్వ ప్రసాద్ భారీ స్థాయిలో నిర్మిస్తున్నారు. ఈ చిత్రంలో టాలీవుడ్ ఫేవరేట్ హీరోయిన్ శ్రీలీల, రవితేజకి జోడిగా సందడి చేయనుంది. ఈ చిత్రానికి వివేక్ కూచిభొట్ల సహ నిర్మాత. పీపుల్ మీడియా ఫ్యాక్టరీ, అభిషేక్ అగర్వాల్ ఆర్ట్స్ బ్యానర్స్ ఈ చిత్రం రూపొందుతోంది. ఈ చిత్రానికి ప్రసన్న కుమార్ బెజవాడ కథ, స్క్రీన్‌ప్లే, మాటలు అందించగా, కార్తీక్ ఘట్టమనేని సినిమాటోగ్రాఫర్.
Also Read: రవితేజ ధమాకా లో జింతాక్
