‘ఏక్ మినీ కథ’ తో సూపర్ హిట్ అందుకున్న సంతోష్ శోభన్, మెహరీన్ జంటగా విలక్షణ దర్శకుడు మారుతి రూపొందిస్తున్న సినిమా ‘మంచి రోజులు వచ్చాయి’. యువీ కాన్సెప్ట్స్, మాస్ మూవీ మేకర్స్ సంయుక్తంగా ఈ సినిమాను నిర్మిస్తున్నారు. ‘మహానుభావుడు’ తరువాత మారుతి కాంబినేషన్‌లో మెహ్రీన్ కౌర్ ఫిర్జాదా హీరోయిన్‌గా నటిస్తున్నారు.
తాజాగా ఈ సినిమా నుంచి ‘ఎక్కేసిందే’ ప్రోమో సాంగ్ విడుదలైంది. సంతోష్ శోభన్, మెహరీన్ డ్యాన్స్ ప్రోమోలో హైలైట్ అయింది. సెప్టెంబర్ 23న ఫుల్ సాంగ్ విడుదల కానుంది. ఈ ప్రోమో సాంగ్‌కు ప్రేక్షకుల నుంచి అద్భుతమైన స్పందన లభిస్తోంది. సాయి శ్రీరామ్ సినిమాటోగ్రఫీ అందిస్తున్న ఈ చిత్రానికి అనూప్ రూబెన్స్ సంగీతం అందిస్తున్నారు. మిగిలిన వివరాలు దర్శక నిర్మాతలు త్వరలోనే తెలియజేయనున్నారు.
