No Hopes: ప‌వ‌ర్ స్టార్ పవన్ క‌ళ్యాణ్‌, డైరెక్ట‌ర్ హ‌రీష్ శంక‌ర్ కాంబినేష‌న్లో ‘భ‌వ‌దీయుడు భ‌గ‌త్ సింగ్‘ సినిమాను అనౌన్స్ చేయ‌డం తెలిసిందే. ‘గ‌బ్బ‌ర్ సింగ్’ త‌ర్వాత వీరిద్ద‌రూ క‌లిసి చేస్తున్న సినిమా కావ‌డంతో భారీ అంచ‌నాలు ఏర్ప‌డ్డాయి. అభిమానులు ఎప్ప‌టి నుంచో కోరుకుంటున్న కాంబినేష‌న్ కావ‌డంతో ‘భ‌వ‌దీయుడు…’ అప్ డేట్స్ ఎప్పుడెప్పుడు వ‌స్తాయా..? అని ప‌వ‌ర్ స్టార్ అభిమానులు ఆతృత‌గా ఎదురు చూస్తుంటే.. ఆల‌స్యం అవుతూనే ఉంది.
ఈ సినిమాలో పవన్ స‌ర‌స‌న క్రేజీ హీరోయిన్ పూజా హేగ్డే న‌టించ‌నున్న‌ట్టు వార్త‌లొచ్చాయి. ఆల‌స్యం కారణంగా పూజా ఈ మూవీ నుంచి త‌ప్పుకుంది. పవన్ రాజకీయాల్లో బిజీగా మారడంతో రెండు సంవ‌త్స‌రాల క్రితం ప్రకటించిన ఈ సినిమా ఎప్పుడు సెట్స్ పైకి వెళుతుందో క్లారిటీ లేదు. అసలు ఈ ప్రాజెక్ట్ అసలు ఉందో లేదో ఉంటే ఎప్పుడు స్టార్ట్ అవుతుందో ఎవ‌రూ చెప్ప‌లేని ప‌రిస్థితి.
హ‌రీష్ శంక‌ర్ ఇన్నాళ్లు ఎంతో ఆశ‌తో ఎదురు చూశారు. ఇక లాభం లేద‌నుకుని వేరే హీరోతో సినిమా చేసేందుకు ప్లాన్ చేస్తున్నారు. ఎన‌ర్జిటిక్ హీరో రామ్ కోసం హ‌రీష్ శంక‌ర్ స్టోరీ రెడీ చేశారు. ఇటీవ‌ల వారియ‌ర్ ప్రీ రిలీజ్ ఫంక్ష‌న్ లో స్వ‌యంగా హ‌రీష్ శంక‌రే రామ్ తో సినిమా చేస్తాను. గ‌తంలో చేయాల‌నుకున్నాం కుద‌ర‌లేదు. ఇప్పుడు త్వ‌ర‌లోనే సినిమా చేస్తానంటూ ప్ర‌క‌టించారు.
Also Read : ‘భ‌వ‌దీయుడు..’ సెట్స్ పైకి వ‌చ్చేదెప్పుడు?
