ప్రో లీగ్ హాకీ: ఇండియా జోరు

FIH Pro-league: 2021-22 పురుషుల ఎఫ్.ఐ.హెచ్. ప్రో లీగ్ లో ఇండియా తన విజయ పరంపర కొనసాగిస్తోంది. నేడు జరిగిన మ్యాచ్ లో జర్మనీ పై 3-0తో విజయం సాధించింది.

ఓడిశా రాజధాని భువనేశ్వర్ లోని కళింగ స్టేడియంలో జరిగిన ఈ మ్యాచ్ లో 18వ నిమిషంలో  ఇండియా కెప్టెన్ హార్మన్ ప్రీత్ సింగ్ పెనాల్టీ కార్నర్ ద్వారా తొలి గోల్  నమోదు చేశాడు. 27వ నిమిషంలో హార్మన్ మరో గోల్ సాధించి ఆట అర్ధ భాగానికి జట్టుకు 2-0 ఆధిక్యం సంపాదించాడు.  కాగా, 45వ నిమిషంలో అభిషేక్ మరోగోల్ సాధించాడు. ఆట సమయం పూర్తయ్యేవరకూ ఇంగ్లాండ్ గోల్ చేయడంలో విఫలమైంది. దీనితో 3-0తో ఇండియా విజయం సాధించింది.

ఇప్పటికే   ఈ లీగ్ లో అగ్రస్థానంలో ఉన్న ఇండియా నేటి విజయంతో  24 పాయింట్లతో కొనసాగుతోంది, జర్మనీ-17, నెదర్లాండ్స్-16 పాయింట్లతో రెండు, మూడు స్థానాల్లో కొనసాగుతున్నాయి.

ఇండియా- జర్మనీ మధ్య  కళింగ  స్టేడియంలో నేడు రెండో మ్యాచ్ జరగనుంది.

Also Read : హాకీ: ఇండియా పై నెదర్లాండ్స్ షూటౌట్ విజయం