Share to Facebook Share to Twitter share to whatapp share to telegram

బర్మింగ్ హామ్ లో జరుగుతోన్న కామన్ వెల్త్ క్రీడల్లో ఇండియా నేడు ఒక రజతం, నాలుగు కాంస్య పతకాలు దక్కాయి. జూడోలో మహిళల 78కిలోల విభాగంలో తూలిక మాన్  రజత పతకం సంపాదించింది. 1ఎస్ 2-10 తేడాతో స్కాట్లాండ్ క్రీడాకారిణి చేతిలో ఓటమి పాలై రెండో స్థానంలో నిలిచింది.

ఆగస్ట్ 3న తొలి పతకం …. వెయిట్ లిఫ్టింగ్ విభాగంలో లవ్ ప్రీత్ సింగ్ 109కిలోల విభాగంలో కాంస్యం సంపాదించాడు. ఆ తర్వాత స్క్వాష్ లో ఇండియా ఆటగాడు సౌరవ్ ఘోషల్ కాంస్యం గెలిచాడు. మూడో స్థానం కోసం జరిగిన పోటీలో 11-6;11-1;11-4 తేడాతో డిపెండింగ్ ఛాంపియన్ ను ఓడించి పతకం ఖాయం చేసుకున్నాడు. నేటి మూడో పతకం తూలిక మాన్  ది.

ఆ తర్వాత 109ప్లస్ కిలోల కేటగిరీలో గుర్ దీప్ సింగ్ మూడో స్థానంలో నిలిచి కాంస్యం గెల్చుకున్నాడు. స్నాచ్ లో 167; క్లీన్ అండ్ జర్క్ లో 223కిలోలు కలిపి మొత్తం 390 కేజీల బరువు ఎత్తి పతకం గెల్చుకున్నాడు. పాకిస్తాన్ కు చెందిన దస్తగిర్ బట్ 405 (173+232) కిలోల బరువు ఎత్తి స్వర్ణం గెల్చుకున్నాడు.

మన దేశానికి చెందిన హై జంప్ క్రీడాకారుడు తేజస్విన్ శంకర్ తొలిసారి ఈ విభాగంలో ఇండియాకు పతకం అందించాడు. 2.25మీటర్ల ఎత్తును అందుకోలేకపోయిన శంకర్ నాలుగు ప్రయత్నాల్లో 2.10; 2.15;2.19;2.22 ఎత్తు అధిగమించాడు.

ఆగస్ట్ 3న లభించిన ఒక రజతం, ఐదు కాంస్య పతకాలతో మనదేశం మొత్తం 18 మెడల్స్ సాధించింది. వీటిలో ఐదు స్వర్ణాలు, ఆరు రజతం, ఏడు  కాంస్య పతకాలు ఉన్నాయి.

Leave a Reply

Your email address will not be published.

Powered by Digital Ocean Design and Developed by Trade2online.com