బర్మింగ్ హామ్ కామన్ వెల్త్ క్రీడల్లో భారత మహిళా క్రికెట్ జట్టు సెమీ ఫైనల్లో ప్రవేశించింది. నేడు జరిగిన మ్యాచ్ లో బార్బడోస్ పై 100 పరుగుల తేడాతో విజయం సాధించింది. తొలుత బ్యాటింగ్ లో రోడ్రిగ్యూస్ 56 నాటౌట్; ఓపెనర్ షఫాలీ వర్మ-43; దీప్తి శర్మ-34 పరుగులతో రాణించగా, బౌలింగ్ లో రేణుకా సింగ్ నాలుగు వికెట్లతో రాణించి విజయంలో కీలక పాత్ర పోషించారు.
ఎడ్జ్ బాస్టన్ గ్రౌండ్ లో జరిగిన ఈ మ్యాచ్ లో టాస్ గెలిచిన బార్బడోస్ బౌలింగ్ ఎంచుకుంది, ఇండియా ఏడు పరుగుల వద్ద ఓపెనర్ స్మృతి మందాన (5) వికెట్ కోల్పోయింది, రెండో వికెట్ కు షఫాలీ- రోడ్రిగ్యూస్ 71 పరుగుల భాగస్వామ్యం నెలకొల్పారు. కెప్టెన్ హర్మన్ డకౌట్ కాగా, తానియా భాటియా కేవలం 6 పరుగులే చేసింది. ఆ తర్వాత వచ్చిన దీప్తి రోడ్రిగ్యూస్ తో కలిసి మరో వికెట్ పడకుండా నిర్ణీత 20ఓవర్లలో 4వికెట్ల నష్టానికి 162 స్కోరు చేయగలిగింది.
ఆ తర్వాత బ్యాటింగ్ కు దిగిన బార్బడోస్ లో కైసోనా నైట్-16; షకేరా సేల్మాన్-10 మాత్రమే రెండంకెల స్కోరు చేయగలిగారు. దీనితో 20 ఓవర్లకు 8వికెట్లు కోల్పోయి 62పరుగులే చేయగలిగింది.
ఇండియన్ బౌలర్లలో రేణుక-4; మేఘన సింగ్, స్నేహ్ రానా, రాధా యాదవ్, హర్మన్ ప్రీత్ కౌర్ తలా ఒక వికెట్ సాధించారు.
Also Read : పాక్ పై ఇండియా ఘన విజయం
