యంగ్ టైగర్ ఎన్టీఆర్.. బిగ్ బాస్ సీజన్ 1కు హోస్ట్ గా ఎంట్రీ ఇచ్చి బుల్లితెర పై అదరగొట్టేశాడు. ఎన్టీఆర్ తనదైన స్టైల్ లో వ్యాఖ్యాతగా వ్యవహరించి అందర్నీ ఆకట్టుకున్నారు. ఈ షో తర్వాత ఎన్టీఆర్ సినిమాల్లో బిజీగా ఉండడం వలన మళ్లీ బుల్లితెర పై కనిపించలేదు. ఇప్పుడు ‘ఎవరు మీలో కోటీశ్వరులు’ అంటూ బుల్లితెర పై మరోసారి సందడి చేయడానికి రాబోతున్నారు. జెమిని టీవీలో ఈ రియాల్టీ షో ప్రసారం కానుంది. ఆమధ్య ఈ షోకు సంబంధించి ప్రొమో రిలీజ్ చేశారు కానీ.. ఎప్పుడు ఈ షో ప్రారంభం అనేది ప్రకటించలేదు.
తాజా సమాచారం ప్రకారం.. ఎవరు మీలో కోటీశ్వరులు షో స్వాతంత్య్ర దినోత్సవం సందర్భంగా ఆగస్టు 15న మొదలు కానుందని తెలిసింది. ఫస్ట్ ఎపిసోడ్ లో మెగా పవర్ స్టార్ రామ్ చరణ్ గెస్ట్ గా రాబోతున్నారని.. ఆల్రెడీ ఈ ఎపిసోడ్ కు సంబంధించి షూటింగ్ కూడా పూర్తయ్యిందని వార్తలు వస్తున్నాయి. ఎన్టీఆర్ మళ్లీ బుల్లితెర పైకి రాబోతున్నారని తెలిసినప్పటి నుంచి అభిమానులు ఎప్పుడెప్పుడు ఈ షో స్టార్ట్ అవుతుందా..? అని ఆతృతగా ఎదురు చూస్తున్నారు. ఆగష్టు 15న గ్రాండ్ గా ఈ షోను స్టార్ట్ చేయనున్నారు. మరి.. ఈ షోను బుల్లితెర పై ఎన్టీఆర్ ఎలాంటి రికార్డులు క్రియేట్ చేస్తారో చూడాలి.
