మహేష్ బాబు, త్రివిక్రమ్ శ్రీనివాస్.. కాంబినేషన్లో ‘గుంటూరు కారం‘ అనే సినిమా రూపొందుతున్న విషయం తెలిసిందే. ఈ చిత్రంలో మహేష్ కు జంటగా పూజా హేగ్డే, శ్రీలీల నటిస్తున్నారని ప్రకటించారు. అయితే.. ఏ ముహూర్తాన ఈ సినిమాని ప్రారంభించారో కానీ.. షూటింగ్ అనుకున్న ప్రకారం జరగడం లేదు. ఫస్ట్ షెడ్యూల్ లో షూట్ చేసిన ఫుటేజ్ బాగా రాకపోవడంతో పక్కన పెట్టేశారట. తాజా షెడ్యూల్ ఇప్పటికే స్టార్ట్ అవ్వాలి కానీ.. ఇంకా స్టార్ట్ కాలేదు. ఇలా అడ్డంకులు వస్తుండడంతో పూజా డేట్స్ అడ్జెస్ట్ చేయలేక ప్రాజెక్ట్ నుంచి తప్పుకుంది.
పూజా కోసం అనుకున్న పాత్రను ఎవరితో చేస్తారు అనేది ఆసక్తిగా మారింది. తాజా వార్త ఏంటంటే.. సుశాంత్ హీరోయిన్ ని ఫిక్స్ చేశారట. ఎవరా సుశాంత్ హీరోయిన్ అనుకుంటున్నారా..? ఇచ్చట వాహనములు నిలుపరాదు అనే సినిమాతో మీనాక్షి చౌదరి టాలీవుడ్ లో ఎంట్రీ ఇచ్చింది. తొలి సినిమాతోనే ఈ అమ్మడు మంచి గుర్తింపు తెచ్చుకుంది. ఆతర్వాత హిట్ 2 సినిమాతో కమర్షియల్ సక్సెస్ సాధించింది. రవితేజ కిలాడీ సినిమాలో కూడా నటించింది. ఇప్పుడు పూజా ఈ ప్రాజెక్ట్ నుంచి తప్పుకోవడంతో మహేష్ బాబు సినిమాలో నటించే లక్కీ ఛాన్స్ మీనాక్షికి దక్కింది.
ఇచ్చట వాహనములు నిలుపరాదు సినిమా ప్రీ రిలీజ్ ఈవెంట్ కు త్రివిక్రమ్ శ్రీనివాస్ గెస్ట్ గా వచ్చారు. అప్పుడే ఈ అమ్మడు త్రివిక్రమ్ శ్రీనివాస్ దృష్టిలో పడింది. మంచి హైటు.. స్మైలింగ్ ఫేసు.. కావడంతో అవకాశాలు బాగానే వస్తున్నాయి. హిట్ 2 సినిమాతో కమర్షియల్ సక్సెస్ సాధించడంతో ఫామ్ లోకి వచ్చింది. ఇప్పుడు పూజా హేగ్డే మహేష్ సినిమా నుంచి తప్పుకోవడం మీనాక్షి కి బాగా కలిసొచ్చింది. మహేష్ బాబు సినిమా.. అది కూడా త్రివిక్రమ్ శ్రీనివాస్ డైరెక్టర్.. ఇక మీనాక్షి దశ తిరిగినట్టే.
Also Read: గుంటూరు కారం నుంచి థమన్ ను తప్పించారా..?
