లహరి ఫిల్మ్స్, చాయ్ బిస్కెట్ ఫిలింస్ కలసి నిర్మించిన రెండో చిత్రం ‘మేమ్ ఫేమస్’. సుమంత్ ప్రభాస్ ప్రధాన పాత్రోలో నటిస్తూ దర్శకత్వం వహించిన తొలి చిత్రం. మంచి విలేజ్ ఫన్ డ్రామా గా రూపొందిన ఈ చిత్రంలో మణి ఏగుర్ల, మౌర్య చౌదరి, సార్య , సిరి రాసి ఇతర ప్రధాన తారాగణం. అనురాగ్ రెడ్డి, శరత్, చంద్రు మనోహరన్ నిర్మించారు. పాజిటివ్ బజ్‌ తో దూసుకెళుతున్న ఈ చిత్రం సెన్సార్ పూర్తి చేసుకుని U/A సర్టిఫికేట్ పొందింది.
యూత్‌ఫుల్ ఎంటర్‌టైనర్‌గా హిలేరియస్ వినోదం కూడుకున్నదని ప్రమోషనల్ కంటెంట్ సూచించినప్పటికీ, ఈ చిత్రం కుటుంబ ప్రేక్షకులను కూడా సమానంగా మెప్పిస్తుందని.. దీనికి తగిన భావోద్వేగాలు కూడా ఉంటాయని చిత్ర యూనిట్ తెలియచేసింది. సుమంత్ ప్రభాస్ చాలా సమర్ధవంతంగా హ్యాండిల్ చేశాడు. అతని రైటింగ్ మేజర్ అసెట్ అని… శ్యామ్ దూపాటి సినిమాటోగ్రఫీ , కళ్యాణ్ నాయక్ సంగీతం ఇతర పాజిటివ్ అంశాలు అంటున్నారు మేకర్స్. ఈ సినిమా ప్రేక్షకులకు కొత్త అనుభూతిని ని, బండనర్సంపల్లిలో పాత్రలతో వారు తిరుగుతున్న ఎక్స్ పీరియన్స్ ని అందిస్తుందని గట్టిగా నమ్ముతున్నారు. మే 26న మేమ్ ఫేమస్ థియేటర్లలో విడుదల కానుంది.
