పాన్ ఇండియా స్టార్ ప్ర‌భాస్ ప్ర‌స్తుతం ‘ఆదిపురుష్‌’, ‘స‌లార్’, ‘ప్రాజెక్ట్ కే’ షూటింగుల్లో ఫుల్ బిజీగా ఉన్నారు. వచ్చే సంవ‌త్స‌రం ఆదిపురుష్‌, స‌లార్ చిత్రాలు రిలీజ్ కానున్నాయి. ఆ త‌ర్వాత సంవ‌త్స‌రంలో పాన్ వ‌ర‌ల్డ్ మూవీ ‘ప్రాజెక్ట్ కే’ రిలీజ్ కానుంది. ఈ మూడు సినిమాల షూటింగ్ పూర్తైన త‌ర్వాత అర్జున్ రెడ్డి డైరెక్ట‌ర్ సందీప్ రెడ్డి వంగ‌తో ‘స్పిరిట్’ చేయ‌నున్నారు. ఇది ప్ర‌భాస్ 25వ సినిమా అని ప్ర‌క‌టించారు.
అయితే.. ఈ సినిమాల‌తో పాటు మారుతి డైరెక్ష‌న్ లో ఫుల్ లెంగ్త్ ఎంట‌ర్ టైన‌ర్ చేయ‌నున్నార‌ని గ‌త కొన్ని రోజులుగా వార్తలు వ‌స్తూనే ఉన్నాయి. ప్ర‌భాస్, మారుతి కాంబినేష‌న్లో మూవీని భారీ చిత్రాల ప్రొడ్యూస‌ర్ డివివి దాన‌య్య నిర్మించ‌నున్నారు. ఈ మూవీ కోసం ప్ర‌భాస్ కి యాభై కోట్లు అడ్వాన్స్ ఇచ్చార‌ట. అయితే.. ఏమైందో ఏమో కానీ దాన‌య్య ప్ర‌భాస్ నుంచి అడ్వాన్స్ ని వెనక్కు తీసేసుకున్నార‌ని స‌మాచారం.
దాన‌య్య త‌ప్పుకోవ‌డంతో ఈ మూవీని నిర్మించ‌డానికి ఓ బడా ప్రొడ్యూస‌ర్ ముందుకు వ‌చ్చార‌ని టాక్ వినిపిస్తోంది. మ‌రో ఇంట్ర‌స్టింగ్ న్యూస్ ఏంటంటే.. రెండు బడా సంస్థ‌లు క‌లిపి ఈ చిత్రాన్ని నిర్మిస్తున్నాయ‌ట. త్వ‌ర‌లోనే ఈ సినిమాకి సంబంధించిన అఫిషియ‌ల్ అనౌన్స్ మెంట్ రానుంద‌ని తెలిసింది. మ‌రి.. ప్ర‌భాస్ ని మారుతి ఎలా చూపిస్తాడో.. ఏ రేంజ్ లో ఎంట‌ర్ టైన్ చేస్తాడో.. చూడాలి.
