ప్రభాస్, ప్రశాంత్ నీల్ కాంబినేషన్లో రూపొందుతోన్న భారీ పాన్ ఇండియా మూవీ ‘సలార్’. శృతిహాసన్ హీరోయిన్ గా నటిస్తోన్న ఈ సినిమాలో పృథ్వీరాజ్ సుకుమారన్, జగపతి బాబు కీలక పాత్రలు పోషిస్తున్నారు. ఫస్ట్ లుక్ పోస్టర్ సినిమా పై మరింత క్రేజ్ తీసుకువచ్చింది. సెప్టెంబర్28న సలార్ విడుదల చేస్తున్నట్టు ప్రకటించారు.
అయితే..ఈ సినిమా రెండు పార్టులుగా రానుందని వార్తలు వచ్చాయి కానీ.. మేకర్స్ నుంచి ఎలాంటి క్లారిఫికేషన్ లేదు. రాధేశ్యామ్ ప్రమోషన్స్ లో ప్రభాస్ కు ఈ ప్రశ్నే ఎదురైంది. దానికి సలార్ టైమ్ వచ్చినప్పుడు మాట్లాడుకుందాం.. ఇప్పుడు వద్దు అన్నాడు కానీ.. సలార్ రెండు పార్టులు కాదని చెప్పలేదు. పార్ట్ 2 కూడా ఉంటుందన్న వార్తలకు ఇది బలం చేకూర్చింది. అయితే.. సలార్ కంప్లీట్ చేసిన తర్వాత ఎన్టీఆర్ తో ప్రశాంత్ నీల్ మూవీ ఈ ఏడాది చివర్లో మొదలు పెట్టాల్సి ఉంది.
ఈ సస్పెన్స్ ఇలా కొనసాగుతుంటే.. ఊహించని విధంగా ఎన్టీఆర్ , హృతిక్ రోషన్ తో కలిసి వార్ 2 మూవీ చేస్తున్నట్లు ప్రశాంత్ ప్రకటించాడు. సలార్ రెండు పార్టులు అని.. ప్రశాంత్ నీల్ కి రెండు పార్టులు చేయడానికి టైమ్ పడుతుందని.. అందుకనే ఎన్టీఆర్ వార్ 2 కి డేట్స్ ఇచ్చాడని టాక్ వినిపిస్తోంది.
Also Read : రిలీజ్ కి ముందే రికార్డులు క్రియేట్ చేస్తున్న ‘సలార్’
