అల్లు అర్జున్, సుకుమార్.. వీరిద్దరి కాంబినేషన్లో ఆర్య, ఆర్య 2, పుష్ప చిత్రాలు రూపొందాయి. అయితే..ఈ చిత్రాలు ఒక ఎత్తు అయితే.. ‘పుష్ప’ సినిమా మరో ఎత్తు. ఈ సినిమా బాలీవుడ్ లో 100 కోట్లకు పైగా కలెక్ట్ చేసి సంచలనం సృష్టించింది. దీంతో ‘పుష్ప 2‘ పై భారీ అంచనాలు ఉన్నాయి. ఈ సినిమా కోసం సౌత్ జనాలు మాత్రమే కాదు.. నార్త్ జనాలు కూడా ఈగర్ గా వెయిట్ చేస్తున్నారు. అంచనాలకు మించి ఉండేలా కథను రెడీ చేశారు. ఈ సినిమాతో మరో బ్లాక్ బస్టర్ సాధించడం ఖాయం అని టీమ్ గట్టి నమ్మకంతో ఉన్నారు.
డిసెంబర్‌‌లోనే షూటింగ్ మొదలుపెట్టిన సుకుమార్ ఇప్పటికే వైజాగ్ లో ఒక షెడ్యూల్ ను పూర్తి చేశారు. ఈ షెడ్యూల్ లో అల్లు అర్జున్ పై ఇంట్రో సాంగ్ చిత్రీకరించారు. ఇప్పుడు హైదరాబాద్‌లోని ఎర్రమంజిల్‌లో షూటింగ్ జరుగుతుంది. ప్రస్తుతం రాత్రి పూట షూటింగ్ చేస్తున్నారు. హీరో అల్లు అర్జున్ తో పాటు ఇతర నటీనటులంతా షూటింగ్ లో పాల్గొంటున్నారు. ఈ షెడ్యూల్ పూర్తయిన తర్వాత చిత్ర బృందం విదేశాలకు వెళ్తుందని సమాచారం. తదుపరి షెడ్యూల్ ను సుకుమార్ బ్యాంకాక్‌లో ప్లాన్ చేసినట్టు తెలుస్తోంది. ఈ షెడ్యూల్ లో భారీ యాక్షన్ సీన్స్ చిత్రీకరించనున్నారు.
ఇదిలా ఉంటే… ఏప్రిల్ 8న అల్లు అర్జున్ పుట్టిన రోజు. ఈ సందర్భంగా పుష్ప 2 కు సంబంధించిన స్పెషల్ గ్లింప్స్ వీడియోను రిలీజ్ చేయాలని మేకర్స్ ప్లాన్ చేస్తున్నారని సమాచారం. మైత్రి మూవీ మేకర్స్, ముత్తంశెట్టి మీడియా సంస్థలు కలిసి భారీ బడ్జెట్‌తో ఈ భారీ పాన్ ఇండియా మూవీని నిర్మిస్తున్నాయి. దేవిశ్రీ ప్రసాద్ సంగీతం అందిస్తున్న ఈ చిత్రంలో బన్నీ సరసన రష్మిక మందన్న హీరోయిన్ నటిస్తుంది. ఫవాద్ ఫాజిల్ విలన్ గా నటిస్తుండగా, సునీల్, అనసూయ కీలక పాత్రల్లో నటిస్తున్నారు. వచ్చే సంవత్సరం సమ్మర్ లో ఈ మూవీని రిలీజ్ చేయడానికి ప్లాన్ చేస్తున్నారు.
Also Read : ‘పుష్ప 2’ లో ఫిదా బ్యూటీ నిజమేనా..?
