పుష్ప.. పుష్పరాజ్.. ఎంతటి సంచలనం సృష్టించాడో అందరికీ తెలిసిందే. ఇండియాలోనే కాకుండా విదేశాల్లో సైతం పుష్ప రాజ్ తన సత్తా చూపిస్తున్నాడు. దీంతో పుష్ప 2 పై మరింత క్రేజ్ ఏర్పడింది. అయితే.. సుకుమార్ పుష్ప చిత్రాన్ని ఒక పార్ట్ గానే తీయాలి అనుకున్నాడు కానీ.. షూటింగ్ స్టార్ట్ చేసిన తర్వాత ఒక పార్ట్ కాదు.. రెండు పార్టులు తీయాలని ఫిక్స్ అయ్యాడు. పుష్ప 1 కి వచ్చిన క్రేజ్ తో పుష్ప 2 చిత్రాన్ని మరింత ఇంట్రస్టింగ్ గా ఉండేలా కథ పై కొన్నాళ్లు కసరత్తు చేసి అదిరిపోయే కథ రెడీ చేశాడు. ఇటీవల పుష్ప 2 షూటింగ్ స్టార్ట్ చేశాడు. ప్రస్తుతం అల్లు స్టూడియోస్ లో అల్లు అర్జున్ పై కీలక సన్నివేశాలు చిత్రీకరిస్తున్నాడు.
అల్లు స్టూడియోస్ లో షూటింగ్ కంప్లీట్ అయిన తర్వాత రామోజీ ఫిలింసిటీలో పది రోజులు షూటింగ్ చేసేలా ప్లాన్ చేశారు. ఈ షెడ్యూల్ కంప్లీట్ అయిన తర్వాత దుబాయ్ లో షూటింగ్ చేయనున్నారని సమాచారం. ఇదిలా ఉంటే.. పుష్ప 1, పుష్ప 2 మాత్రమే కాదట.. పుష్ప 3 కూడా ఉందట. గత కొన్ని రోజులు క్రితం పుష్ప 3 ఉంటుందని ఈ సినిమాలో విలన్ పాత్ర పోషించిన ఫాహిద్ ఫాజిల్ ఓ ఇంటర్ వ్యూలో చెప్పారని వార్తలు వచ్చాయి. ఇప్పుడు పుష్ప 3 గురించి సుకుమార్ కూడా స్పందించారని వార్తలు వస్తున్నాయి.
ఇంతకీ విషయం ఏంటంటే… పుష్ప 1 లో ఒక సాధారణ కూలీ స్మగ్లర్ గా ఎలా ఎదిగాడు అన్నది చూపించాడు. ఇక సెకండ్ పార్ట్ లో అతని రూలింగ్ తో పాటుగా అతని డౌన్ ని చూపిస్తారట. ఇక పార్ట్ 2 చివర్లో పార్ట్ 3 కి సంబంధించిన క్లూ వదిలి ముగిస్తారట. పుష్ప 3 కూడా ఖచ్చితంగా ఉంటుందని అంటున్నారు. అయితే.. పుష్ప 3 కి మాత్రం ఐదేళ్లు టైం తీసుకోవాలని సుకుమార్ ప్లాన్ చేస్తున్నారట. ఇదే కనుక జరిగితే.. పుష్ప 3 పై మరింత క్రేజ్ రావడం ఖాయం.
