భారత బ్యాడ్మింటన్ స్టార్ పివి సింధు సింగపూర్ ఓపెన్-2022 ఫైనల్స్ కు చేరుకుంది. నేడు జరిగిన సెమీ ఫైనల్లో 21-15; 21-7 తో రెండు వరుస సెట్లలో జపాన్ క్రీడాకారిణి సయేనా కవాకమి ని ఓడించింది.
కాసేపట్లో ఆయా ఒహోరి(జపాన్)- వాంగ్ జీ ఈ (చైనా) మధ్య జరిగే మరో సెమీ ఫైనల్ విజేతతో రేపు ఫైనల్స్ లో సింధు తలపడనుంది.
సింగపూర్ ఓపెన్ కి ముందు ఈ ఏడు 12 టోర్నమెంట్లు జరగగా సింధు …సయ్యద్ మోడీ ఇండియా ఇంటర్నేషనల్-2022 (జనవరి), స్విస్ ఓపెన్-2022 (మార్చి) రెండిటిలో మాత్రమే విజేతగా నిలిచింది. మొట్టమొదటి టోర్నీ ఇండియా ఓపెన్, థాయిలాండ్ ఓపెన్, కొరియా ఓపెన్ లలో సెమీస్ లో ఓటమి పాలైంది.
సింగపూర్ ఓపెన్ తో ఫైనల్లో విజయం సాధించి ఈ ఏడు మూడో టోర్నమెంట్ తన ఖాతాలో వేసుకోవాలని పట్టుదలతో ఉంది.
