రామ్ చరణ్ ప్రస్తుతం శంకర్ తో భారీ పాన్ ఇండియా మూవీ చేస్తున్నారు. ఈ చిత్రాన్ని దిల్ రాజు నిర్మిస్తున్నారు. ఇది ‘చరణ్ 15వ’ చిత్రం కాగా, దిల్ రాజు 50వ చిత్రం కావడం విశేషం. ఇందులో చరణ్ కు జంటగా కైరా అద్వానీ నటిస్తుంది. శ్రీ వెంకటేశ్వర క్రియేషన్స్ బ్యానర్ పై రూపొందుతోన్న ఈ చిత్రానికి ఎస్ఎస్ థమన్ సంగీతం అందిస్తున్నారు. ఇటీవల ఓ ఇంటర్ వ్యూలో థమన్ ఈ మూవీ ఆడియో గురించి స్పందిస్తూ.. నెక్ట్స్ లెవల్లో ఉంటుందని చెప్పడంతో మరింత ఇంట్రస్ట్ క్రియేట్ అయ్యింది.
ఇక అసలు విషయానికి వస్తే.. ఇప్పటికే చాలా వరకు షూటింగ్ జరుపుకున్న ఈ మూవీ తదుపరి షెడ్యూల్ ని ఫిబ్రవరి 9 నుండి 16 వరకు వైజాగ్ లో జరుపనున్నట్లు తెలుస్తోంది. కాగా ఈ షెడ్యూల్ లో ఒక సాంగ్ ని చిత్రీకరించనుందని తెలిసింది. మొత్తంగా ప్రారంభం నాటి నుండి అందరిలో భారీ అంచనాలు ఏర్పరిచిన ఈ మూవీలో శ్రీకాంత్, అంజలి, ఎస్ జె సూర్య, సునీల్ తదితరులు కీలక పాత్రలు చేస్తున్నారు. ఇందులో చరణ్ ద్విపాత్రాభినయం చేస్తుండడం విశేషం. ఈ రెండు పాత్రలు చాలా డిఫరెంట్ గా ఉంటాయని తెలిసింది.
ఆర్ఆర్ఆర్ మూవీతో చరణ్ భారీ క్రేజ్ సంపాదించుకున్నారు. అలాగే తెలుగులో శంకర్ చేస్తున్న ఫస్ట్ మూవీ కావడంతో ఈ సినిమా పై భారీ అంచనాలు ఉన్నాయి. దిల్ రాజు ఏమాత్రం రాజీపడకుండా ఈ సినిమాని నిర్మిస్తున్నారు. ఇక ఈ మూవీ రిలీజ్ విషయానికి వస్తే.. సమ్మర్ లో ఈ సినిమాను రిలీజ్ చేయాలి అనుకున్నారు కానీ.. షూటింగ్ చేయాల్సింది చాలా ఉండడంతో సమ్మర్ కి ఈ మూవీ రావడం లేదని టాక్ వినిపిస్తోంది. మరి.. ఎప్పుడు వస్తుంది అంటే.. సంక్రాంతికి విడుదల చేయాలి అనుకుంటున్నారట. మరి.. ఈ భారీ, క్రేజీ మూవీ రిలీజ్ గురించి త్వరలో క్లారిటీ ఇస్తారేమో చూడాలి.
Also Read : చరణ్, బన్నీని ఫాలో అవుతున్న నాని..
