Teaser Super: అక్కినేని నాగ‌చైత‌న్య, మ‌నం ఫేమ్ విక్ర‌మ్ కుమార్ కాంబినేష‌న్లో రూపొందిన తాజా చిత్రం థ్యాంక్యూ. ఈ చిత్రంలో నాగ‌చైత‌న్య స‌ర‌స‌న రాశీ ఖ‌న్నా, మాళ‌విక నాయ‌ర్, అవికా గోర్ న‌టించారు. విభిన్న ప్రేమ‌క‌థా చిత్రంగా రూపొందిన ఈ సినిమాకి సెన్సేష‌న‌ల్ మ్యూజిక్ డైరెక్ట‌ర్ ఎస్ఎస్ త‌మ‌న్ సంగీతం అందించారు. శ్రీ వెంక‌టేశ్వ‌ర క్రియేష‌న్స్ బ్యాన‌ర్ పై దిల్ రాజు నిర్మించిన ఈ సినిమా పై భారీ అంచ‌నాలు ఏర్ప‌డ్డాయి.
ఇటీవ‌ల ఈ సినిమా నుంచి టీజర్ రిలీజ్ చేశారు. ఈ టీజర్ గురించి ద‌గ్గుబాటి రానా ఇంట్ర‌స్టింగ్ కామెంట్స్ చేయ‌డం సోష‌ల్ మీడియాలో వైర‌ల్ అయ్యింది. ఇంత‌కీ విష‌యం ఏంటంటే.. ఈ టీజర్ ను నాగ‌చైత‌న్య ట్విట్ట‌ర్ లో రిలీజ్ చేసి… నన్ను నేను సరి చేసుకోవటానికి నేను చేస్తున్న ప్రయాణమే థాంక్యూ అంటూ నాగ చైతన్య చెప్పుకొచ్చారు. ఈ టీజర్ ను చూసిన టాలీవుడ్ హంక్ రానా దగ్గుపాటి ‘నువ్వు ఆల్రెడీ సరి అయిపోయావు బ్రదర్, సూపర్ టీజర్’ అంటూ చెప్పుకొచ్చారు.
అంతే కాకుండా థాంక్యూ టీమ్ కి బెస్ట్ విషెస్ తెలిపారు రానా. ఈ టీజర్ యూట్యూబ్ లో 10 మిలియ‌న్ మార్క్ కు ద‌గ్గ‌ర‌లో ఉంది. ఈ టీజర్ త‌ర్వాత ఇప్ప‌టి వ‌ర‌కు ఉన్న అంచ‌నాల‌ను రెట్టింపు చేసింద‌ని చెప్ప‌చ్చు. జులై 8న థ్యాంక్యూ మూవీ రిలీజ్ కానుంది. ఈ సినిమాతో చైతన్య బ్లాక్ బ‌స్ట‌ర్ సాధించ‌డం ఖాయ‌మ‌ని అభిమానులు గ‌ట్టి న‌మ్మ‌కంతో ఉన్నారు. మ‌రి.. అభిమానుల న‌మ్మ‌కం నిజ‌మౌతుందేమో చూడాలి.
Also Read : యూట్యూబ్ ని షేక్ చేస్తోన్న ‘థ్యాంక్యూ’ టీజర్
