Jawan Declared: బాలీవుడ్ మెగాస్టార్ షారూఖ్ ఖాన్ కథానాయకుడిగా కోలీవుడ్ డైరెక్ట‌ర్ అట్లీ దర్శకత్వంలో భారీ యాక్షన్ ఎంట‌ర్ టైన‌ర్ “జవాన్” ను ప్ర‌క‌టించారు. రెడ్ చిల్లీస్ ఎంటర్‌టైన్‌మెంట్ సంస్థ ఈ చిత్రాన్ని నిర్మిస్తోంది. అత్యున్నత స్థాయి తారాగణం, సాంకేతిక నిపుణులతో భారీ యాక్షన్ సీక్వెన్సులతో ఈ పాన్ ఇండియా చిత్ర యావత్ సినీ ప్రేక్షకులకు ఒక గొప్ప వేడుకలా ఉండబోతుంది. దక్షిణాదిలో రాజా రాణి, థేరి, మెర్సల్, బిగిల్ వంటి విజయవంతమైన బ్లాక్‌బస్టర్ చిత్రాలకు దర్శకత్వం వచించిన అట్లీ .. ఇపుడు భారీ అంచనాలన్న ‘జవాన్’ తో తన మ్యాజిక్‌ను దేశ వ్యాప్తంగా చూపించబోతున్నారు.
‘జవాన్’ చిత్రాన్ని టీజర్ వీడియోతో చిత్ర యూనిట్ ఈరోజు ప్రకటించింది. టీజర్ లో షారుఖ్ ఖాన్ గాయపడి, కట్టుతో రగ్గడ్ బ్యాక్ డ్రాప్ లో కనిపించారు. ఈ ఫస్ట్ లుక్ జవాన్ లార్జర్ దెన్ లైఫ్ యాక్షన్ ఎంటర్‌టైనర్ గా వుంటుందని చెప్పకనే చెప్పింది. జవాన్ హిందీ, తమిళం, తెలుగు, మలయాళం, కన్నడ భాషలలో 2023 జూన్ 2 ప్రపంచ వ్యాప్తంగా థియేటర్లలో విడుదల కానుంది. ఈ చిత్రం గురించి షారుఖ్ ఖాన్ మాట్లాడుతూ… “జావన్ భాషలు, ప్రాంతాలకు అతీతంగా అందరూ ఆస్వాదించే యూనివర్సల్ కథ. ఈ విలక్షణమైన చిత్రాన్ని రూపొందించిన క్రెడిట్ దర్శకుడు అట్లీకి దక్కుతుంది. నేను యాక్షన్ చిత్రాలను ఇష్టపడుతున్నాను కాబట్టి జావన్ నాకు అద్భుతమైన అనుభూతిని ఇచ్చింది. టీజర్ రాబోయే అద్భుతానికి చిన్న గ్లింప్సె లాంటింది మాత్రమే” అన్నారు.
‘జవాన్” దర్శకుడు అట్లీ మాట్లాడుతూ.. “జవాన్‌లో యాక్షన్, ఎమోషన్, డ్రామా ఇలానీ విజువల్ వండర్ గా వుంటాయి. ప్రేక్షకులకు గొప్ప అనుభూతిని అందించాలను కుంటున్నాను. ప్రేక్షకులంతా కలసి ఎంజాయ్ చేయగల గొప్ప చిత్రాన్ని షారూఖ్ ఖాన్ తప్పా మరెవరూ అందించగలరు. మునుపెన్నడూ లేని విధంగా ఈ చిత్రం ఉండబోతుంది” అన్నారు. రెడ్ చిల్లీస్ ఎంటర్‌టైన్‌మెంట్ సమర్పణలో గౌరీ ఖాన్ నిర్మిస్తున్న షారుఖ్ ఖాన్ మొదటి పాన్ ఇండియా చిత్రం ‘జవాన్’ ఐదు భాషల్లో 2023 జూన్ 2న విడుదల కానుంది.
