Rana Poster released:
పవన్ కళ్యాణ్, రానా దగ్గుబాటి కాంబినేషన్లో సితార ఎంటర్ టైన్మెంట్స్ నిర్మిస్తున్న చిత్రం ‘భీమ్లా నాయక్’. స్క్రీన్ ప్లే – సంభాషణలు సుప్రసిద్ధ దర్శకుడు, రచయిత త్రివిక్రమ్ శ్రీనివాస్ అందిస్తున్నారు. నిర్మాత సూర్యదేవర నాగవంశీ నిర్మిస్తున్న ఈ చిత్రానికి దర్శకుడు సాగర్ కె చంద్ర. నేడు రానా పుట్టినరోజు సందర్భంగా ‘భీమ్లా నాయక్’ నుంచి ఆయన పోషిస్తున్న డేనియల్ శేఖర్ పాత్ర కు సంబంధించి ప్రత్యేక ప్రచార చిత్రం విడుదల చేశారు. ‘భీమ్లా నాయక్’ పవన్ కళ్యాణ్ కూడా కనిపించే ఈ ప్రచార చిత్రాన్ని ప‌రిశీలిస్తే..
“వాడు అరిస్తే భయపడతావా
ఆడికన్నా గట్టిగా అరవగలను
ఎవడాడు….
దీనమ్మ దిగొచ్చాడా…
ఆఫ్ట్రాల్ ఎస్ ఐ
సస్పెండెడ్….”
అంటూ డేనియల్ శేఖర్ పాత్రధారి రానా ఆవేశంగా ఎవరితోనో చిత్ర కథానుసారం సంభాషించటాన్ని ఇందులో చూడవచ్చు. ఈ సన్నివేశం ఉత్సుకతను రేకెత్తిస్తోంది. ‘భీమ్లా నాయక్‘ చిత్ర నిర్మాణ కార్యక్రమాలు ముగింపు దశలో ఉన్నాయి.
పవన్ కళ్యాణ్, రానా దగ్గుబాటి ల కాంబినేషన్ లో నిర్మితమవుతున్న ఈ చిత్రంలో నిత్య మీనన్, సంయుక్త మీనన్ నాయికలు. ప్రముఖ నటులు, రావు రమేష్, మురళీశర్మ, సముద్ర ఖని, రఘుబాబు, నర్రా శ్రీను, కాదంబరి కిరణ్, చిట్టి, పమ్మి సాయి చిత్రంలోని ఇతర ప్రధాన పాత్రల్లో నటిస్తున్నారు.
