వరుణ్ తేజ్ కెరీర్ స్టార్ట్ అయినప్పటి నుంచి ప్రయోగాలు చేస్తూనే ఉన్నాడు. తన ఫ్యామిలీకి ఉన్న ఇమేజ్ కారణంగా మొదటి సినిమాకి మాస్ సినిమా చేయచ్చు కానీ.. ముకుంద అంటూ క్లాస్ సినిమా చేశాడు. తొలి ప్రయత్నంలోనే సక్సెస్ సాధించాడు. ఆతర్వాత కూడా మాస్ సినిమా చేయకుండా కంచె అంటూ మరో క్లాస్ మూవీ చేశాడు మెప్పించాడు. లోఫర్ మూవీతో మాస్ ని మెప్పించినప్పటికీ కమర్షియల్ సక్సెస్ సాధించలేదు. ఫిదా మూవీతో మెప్పించిన వరుణ్ తేజ్ అంతరిక్షం అనే ప్రయోగాత్మక చిత్రం చేశాడు. ఇలా ప్రయోగాలు చేస్తున్న వరుణ్ తేజ్ ఇప్పుడు ఓ పీరియాడిక్ ఫిల్మ్ చేయడానికి ఓకే చెప్పాడని తెలిసింది.
ఇంతకీ పీరియాడిక్ ఫిల్మ్ ఎవరితో చేస్తున్నాడంటే.. పలాస ఫేమ్ కరుణ్ కుమార్ తో అని సమాచారం. పలాస సినిమాతో తొలి ప్రయత్నంలోనే సక్సెస్ సాధించాడు. అందరి దృష్టిని ఆకర్షించాడు ఈ డైరెక్టర్. సుధీర్ బాబుతో శ్రీదేవి సోడా సెంటర్ అనే సినిమా చేశాడు. ఈ సినిమా కమర్షియల్ గా వర్కవుట్ కాలేదు కానీ.. మంచి సినిమాగా ప్రశంసలు అందుకుంది. ఆతర్వాత ఎవరితో మూవీ చేయనున్నాడో ప్రకటించలేదు కానీ.. వరుణ్ తేజ్ తో కన్ ఫర్మ్ అయ్యిందని తెలిసింది. పవన్ కళ్యాణ్ కోసం కూడా ఓ స్టోరీ రెడీ చేశారని వార్తలు వచ్చాయి. అయితే.. పవన్ బిజీగా ఉండడంతో ఆలస్యం అవుతుందని వరుణ్ తేజ్ కోసం స్టోరీ రెడీ చేశారట.
ఈ చిత్రాన్ని వైరా ఎంటర్ టైన్మెంట్ బ్యానర్ పై నిర్మించనున్నారు. అయితే.. ఈ చిత్రానికి వరుణ్ తేజ్ ఇంకా డేట్స్ కేటాయించలేదు. ఎప్పుడు స్టార్ట్ చేయనున్నారు అనేది స్పష్టత రావాల్సివుంది. ప్రస్తుతం వరుణ్ తేజ్ ప్రవీణ్ సత్తారు దర్శకత్వంలో ‘గాంఢీవధారి అర్జున’ సినిమా చేస్తున్నారు. అలాగే శక్తి ప్రతాప్ సింగ్ దర్శకత్వంలో ఓ పాన్ ఇండియా సినిమా చేస్తున్నాడు. ఈ రెండు చిత్రాలు సెట్స్ పై ఉన్నాయి. ఇవి ఎప్పుడు పూర్తవుతాయి అనేది క్లారిటీ లేదు. అందుకనే ఈ మధ్యలో కరుణ కుమార్ మూవీకి డేట్స్ కేటాయించాలి కాబట్టి ఆలస్యం అవుతుంది. త్వరలోనే ఈ సినిమాని పూర్తి వివరాలతో ప్రకటించనున్నారు.
