విశాల్ హీరోగా… సరికొత్త పాత్రలో నటిస్తున్న చిత్రం ‘మార్క్ ఆంటోనీ‘. మినీ స్టూడియోస్ పతాకంపై రీతు వర్మ , సునీల్ వర్మ, అభినయ, YGee మహేంద్రన్ , నిజగల్ రవి నటీనటులుగా అధిక్ రవిచంద్రన్ దర్శకత్వంలో ఎస్. వినోద్ కుమార్ నిర్మిస్తున్న ఈ చిత్రం పవర్ ఫుల్ యాక్షన్ ఎంటర్ టైనర్ గా ఉండబోతుంది. విశాల్ కు ఇది 33వ సినిమా.
దర్శకుడు ఎస్ జే సూర్య ఈ సినిమాలో కీలక పాత్రలో నటిస్తున్నారు. శరవేగంగా షూటింగ్ జరుపుకుంటున్న ఈ చిత్రం…తెలుగు, తమిళం, మలయాళం, కన్నడ భాషల్లో పాన్ ఇండియా చిత్రంగా ప్రేక్షకుల ముందుకు రానుంది. వర్సటైల్ యాక్టర్ విశాల్ బర్త్ డే సందర్బంగా “మార్క్ ఆంటోని” ఫస్ట్ లుక్ పోస్టర్ ను విడుదల చేశారు. ఈ సినిమా ఫస్ట్ లుక్ పోస్టర్ చూస్తుంటే హీరో విశాల్ చాలా రౌద్రంగా షాట్ గన్ పట్టుకుని యుద్ధరంగంలో షూట్ చేస్తున్నటువంటి సరికొత్త గెటప్ లో పవర్ ఫుల్ పాత్రలో ఉన్నట్టు కనిపిస్తోంది.
