మెగాస్టార్ చిరంజీవి, మాస్ మహారాజా రవితేజ కాంబినేషన్లో రూపొందుతోన్న చిత్రం ‘వాల్తేరు వీరయ్య‘. బాబీ దర్శకత్వం వహిస్తున్నాడు. మైత్రీ మూవీ మేకర్స్ నిర్మిస్తోన్న ఈ సినిమాలో చిరు సరసన శృతి హాసన్… రవితేజ సరసన కేథరిన్ నటిస్తున్నారు. సంక్రాంతి కానుకగా వాల్తేరు వీరయ్య చిత్రాన్ని జనవరి 13న భారీ స్థాయిలో రిలీజ్ చేసేందుకు ప్లాన్ చేస్తున్నారు. ఈ సినిమా ప్రీ రిలీజ్ ఈవెంట్ ను జనవరి 8న వైజాగ్ లో భారీ ఎత్తున నిర్వహించేందుకు ప్లాన్ చేస్తున్నారు. త్వరలోనే అఫిషియల్ గా అనౌన్స్ చేయనున్నారు. ఇక ఈ మూవీ రన్ టైమ్ లాక్ అయ్యింది. 2 గంటల 33 నిమిషాలు.
ఇదిలా ఉంటే.. నటసింహం నందమూరి బాలకృష్ణ నటిస్తున్న లేటెస్ట్ మూవీ వీరసింహారెడ్డి. మలినేని గోపీచంద్ దర్శకత్వం వహిస్తున్న ఈ సినిమాలో కూడా శృతిహాసన్ హీరోయిన్ కావడం, దీన్ని కూడా మైత్రీ మూవీ మేకర్సే నిర్మిస్తుండడం విశేషం.
ఈ సినిమాను సంక్రాంతి కానుకగా జనవరి 12న విడుదల చేయనున్నారు. ఈ సినిమా రన్ టైమ్ కూడా లాక్ అయ్యింది. ఇంతకీ ఎంతంటే.. 2 గంటల 43 నిమిషాలు అని సమాచారం. ఓ ర‌కంగా బాలయ్య సినిమా లెంగ్తీగా ఉన్న‌ట్టే లెక్క. అయితే అఖండ 2 గంటల 45 నిమిషాల సినిమా. అయినా జ‌నం చూశారు. సినిమా బాగుంటే రన్ టైమ్ ఎక్కువు ఉన్నా ఏం ఫర్లేదు. కాబ‌ట్టి.. 2 గంటల 43 నిమిషాలు పెద్ద మేట‌రేం కాదు. మరి.. వీరయ్య, బాలయ్య ఈ రెండు చిత్రాల్లో విజేతగా నిలిచేది ఎవరో చూడాలి.
