భారత మహిళా క్రికెట్ జట్టు కూడా వరుస సిరీస్ లతో బిజీ బిజీగా గడపబోతోంది. సెప్టెంబర్ లో భారత మహిళా జట్టు తమ దేశంలో పర్యటించే అవకాశం వుందని ఆస్ట్రేలియా మహిళా జట్టు పేస్ బౌలర్ మేగన్ స్కూచ్ సూచనప్రాయంగా వెల్లడించింది. ఈ పర్యటన వివరాలను ఆస్ట్రేలియా క్రికెట్ బోర్డు త్వరలో ఖరారు చేసే అవకాశాలున్నాయి.
ఇంగ్లాండ్ లో వచ్చేనెలలో మహిళా జట్టు పర్యటించి ఒక టెస్ట్ మ్యాచ్ తో పాటు మూడు వన్డేలు, మూడు టి-20 మ్యాచ్ ఆడనుంది. ఇటివలే ఇంగ్లాండ్ టూర్ కు విడివిడిగా జట్లను ఎంపిక చేసిన బిసిసిఐ కోచ్ గా రమేష్ పొవార్ ను నియమించింది.
ఐతే ఆస్ట్రేలియా పర్యటన మాత్రం కేవలం వన్డే, టి-20 మ్యాచ్ లకు మాత్రమే పరిమితం కానుంది.
