య‌ష్.. మ‌న‌సు దోచుకున్న క‌థానాయిక ఎవ‌రు?

Yash-Heroine: కేజీఎఫ్ 2.. ఇండియ‌న్ బాక్సాఫీస్ ద‌గ్గ‌ర ఊహించ‌ని రికార్డులు సాధిస్తూ.. దూసుకెళుతోంది. దీంతో సినీ అభిమానులు ఏ ఇద్ద‌రూ క‌లిసినా.. కేజీఎఫ్ 2 గురించే చ‌ర్చ‌. ఇప్ప‌టి వ‌ర‌కు 700 కోట్ల‌కు పైగా క‌లెక్ట్ చేసి రికార్డ్ క్రియేట్ చేసింది. దీంతో క‌న్న‌డ స్టార్ య‌ష్; ద‌ర్శ‌కుడు ప్ర‌శాంత్ నీల్ పేర్లు మారుమ్రోగుపోతున్నాయి. ప్ర‌శాంత్ నీల్ నెక్ట్స్ మూవీని పాన్ ఇండియా స్టార్ ప్ర‌భాస్ తో స‌లార్ చేస్తున్నారు. ఈ సినిమా వ‌చ్చే సంవ‌త్స‌రం స‌మ్మ‌ర్ లో ప్రేక్ష‌కుల ముందుకు రానుంది.

ఇదిలా ఉంటే.. య‌ష్ మాత్రం త‌న నెక్ట్స్ మూవీ ఎవ‌రితో అనేది ప్ర‌క‌టించ‌లేదు. అయితే.. ఇటీవ‌ల ఇచ్చిన ఇంట‌ర్ వ్యూలో య‌ష్ ఓ ఆస‌క్తిక‌ర‌మైన విష‌యాన్ని బ‌య‌ట‌పెట్టాడు. ఇంత‌కీ విష‌యం ఏంటంటే.. త‌న ఫేవ‌రేట్ హీరోయిన్ దీపికా ప‌డుకొనే అని.. ఆమెతో న‌టించాల‌నేది త‌న కోరిక అని తెలియ‌చేశాడు. అంతే కాకుండా.. ఆమె న‌ట‌న ఎంతో బాగుంటుంద‌ని.. ఆమె న‌టించిన సినిమాలు చూస్తుంటాని చెప్పాడు. మ‌రి.. య‌ష్‌, దీపికా కాంబినేష‌న్ ని ఎవ‌రైనా సెట్ చేస్తారేమో చూడాలి.

Also Read : ఆర్ఆర్ఆర్, బాహుబ‌లి-2 రికార్డుల‌ను కేజీఎఫ్ 2 బ్రేక్ చేస్తుందా?