హీరో సోహైల్ అంటే యూత్ లో ఎంత క్రేజ్ ఉంటుందో ప్రత్యేకంగా చెప్పాల్సిన అవసరం లేదు. బిగ్ బాస్ తరువాత సోహైల్ చేస్తున్న చిత్రం ‘లక్కీ లక్ష్మణ్‘. ద త్తాత్రేయ మీడియా పతాకంపై బిగ్ బాస్ ఫేమ్ సోహైల్, మోక్ష జంటగా ఎ.ఆర్ అభి దర్శకత్వంలో హరిత గోగినేని ఈ చిత్రాన్ని నిర్మించారు. అన్ని కార్యక్రమాలు పూర్తి చేసుకొని ఈ చిత్రాన్ని త్వరలోనే విడుదల చేయడానికి చిత్ర నిర్మాత సన్నాహాలు చేస్తున్నారు. ఈ సందర్బంగా ఈ సినిమాలోని “ఓ మేరీ జాన్ మనసే నువ్వే కావాలన్నదే..’ లిరికల్ సాంగ్ కు సంబంధించిన ప్రోమోను విడుదల చేశారు మేకర్స్ .
ఓ మేరీ జాన్ మనసే నువ్వే కావాలన్నదే..
ఓ మేరీ జాన్ వెనకే నీతో వస్తూ.. ఉన్నదే..
ఓ మేరీ జాన్ నిన్నే.. వదిలి వదిలి ఉండ నన్నదే
అంటూ సాగే లవ్ సాంగ్ చాలా క్లాసీ గా ఇంట్రెస్ట్ గా ఉంది. హీరో సోహైల్ డ్యాన్స్ చూస్తుంటే చూడముచ్చటగా ఉంది. ఈ పాటను ప్రముఖ రచయిత భాస్కరభ‌ట్ల రాశారు. సింగర్ అనురాగ్ కులకర్ణి చ‌క్క‌గా ఆలపించారు. ఈ పాటకు విశాల్ అందించిన కొరియోగ్రఫీ అద్భుతంగా ఉంది. డి ఓ పి ఆండ్రు చక్కటి విజువల్స్ ఇచ్చారు. అనూప్ రూబెన్స్ పాటలకు ప్రేక్షకుల్లో మంచి క్రేజ్ ఉంది. ఆయన నుంచి వస్తున్న మరో క్రేజీ సాంగ్ ఈ “ఓ మేరీ జాన్”. ఈ ప్రోమో సాంగ్ విడుదలైన కొద్ది గంటల్లోనే ప్రేక్షకుల నుండి హ్యుజ్ రెస్పాన్స్ వస్తోంది. ఫుల్ సాంగ్ ను సెప్టెంబర్ 3వ తేదీ ఉదయం 9:33 గంటలకు విడుదల చేయ‌నున్నారు.
Also Read : ‘లక్కీ లక్ష్మణ్’ ఫస్ట్ లుక్ ను విడుదల
