చైతన్య పసుపులేటి, హీనా రాయ్ జంటగా అశ్వద్ధామ ప్రొడక్షన్స్ బ్యానర్‌లో డాక్టర్ సుశీల నిర్మిస్తున్న సినిమా GTA (గన్స్ ట్రాన్స్ యాక్షన్). విభిన్నమైన కథాంశంతో ఆద్యంతం ఆసక్తికరంగా ఈ సినిమాను రూపొందిస్తున్నారు దర్శకుడు దీపక్ సిద్ధాంత్. తాజాగా ఈ సినిమా ట్రైలర్ లాంఛ్ వేడుక హైదరాబాద్‌లో జరిగింది. ఈ కార్యక్రమానికి యంగ్ హీరో ఆకాశ్ పూరి, నందు హాజరయ్యారు. వీళ్ళ చేతుల మీదుగానే ట్రైలర్ విడుదలైంది. మార్క్ కే రాబిన్ సంగీతం అందిస్తున్న ఈ సినిమాకు గ్యారీ బిహెచ్ ఎడిటర్. ప్రసాద్ బాపు సినిమాటోగ్రఫీ అందిస్తున్నారు. ఇప్పటికే షూటింగ్ పూర్తి చేసుకున్న సినిమా త్వరలోనే విడుదల కానుంది. దీనికి సంబంధించిన మరిన్ని వివరాలు త్వరలోనే తెలియజేయనున్నారు మేకర్స్.
దర్శకుడు దీపక్ సిద్ధాంత్ మాట్లాడుతూ.. ‘GTA (గన్స్ ట్రాన్స్ యాక్షన్) సినిమా కథ చాలా విభిన్నంగా ఉంటుంది. ఈ సినిమా ఖచ్చితంగా మీకు నచ్చుతుందని భావిస్తున్నాను. రెగ్యులర్ కమర్షియల్ అంశాలతో పాటు ఈ సినిమాలో ప్రతీ ఒక్కటీ మిమ్మల్ని అలరిస్తుంది. రొటీన్‌కు భిన్నంగా ఈ సినిమా ఉంటుంది. ఈ సినిమా ట్రైలర్ కంటే అద్బుతంగా ఉంటుంది. అందరికీ నచ్చుతుంది అన్నారు.
హీరో ఆకాశ్ పూరి మాట్లాడుతూ.. ‘GTA ట్రైలర్ లాంఛ్ ఈవెంట్‌కు రావడం ఆనందంగా ఉంది. ట్రైలర్ చూసాను. చాలా బాగుంది.. దర్శకుడు దీపక్ వర్క్ బాగా నచ్చింది. ఖచ్చితంగా ఈ సినిమా ప్రేక్షకులను అలరిస్తుందనే నమ్మకం ఉంది. కొత్తదనం ఉన్న కథలను తెలుగు ఆడియన్స్ ఎప్పుడూ ఆదరిస్తారు. అలాగే GTAపెద్ద విజయం సాధించాలని కోరుకుంటూ.. చిత్ర యూనిట్ అందరికీ ఆల్ ది బెస్ట్ అని తెలిపారు.
హీరో నందు మాట్లాడుతూ.. ‘GTA ట్రైలర్ ఆసక్తికరంగా ఉంది. ఆకాశ్ చెప్పినట్లు సినిమా చాలా అద్భుతంగా ఉంటుందని ఆశిస్తున్నా. దర్శకుడు దీపక్ సిద్ధాంత్ వర్క్ చాలా బాగుంది. నిర్మాణ విలువలు కూడా బాగున్నాయి. ఖచ్చితంగా ఈ సినిమా మంచి విజయం సాధిస్తుందనే నమ్మకం ఉంది అని తెలిపారు.
){kind=link}