Hat-trick combination: సూప‌ర్ స్టార్ మహేష్ బాబు ప్ర‌స్తుతం న‌టిస్తున్న లేటెస్ట్ మూవీ ‘స‌ర్కారు వారి పాట’. ఈ భారీ చిత్రానికి గీత గోవిందం ఫేమ్ ప‌ర‌శురామ్ ద‌ర్శ‌క‌త్వం వ‌హిస్తున్నారు. ఈ మూవీ షూటింగ్ చివరి ద‌శ‌లో ఉంది. త్వ‌ర‌లో మహేష్ తాజా షెడ్యూల్ లో జాయిన్ కానున్నారు. ఈ భారీ యాక్షన్ ఎంట‌ర్ టైన‌ర్ ను స‌మ్మ‌ర్ లో భారీ స్ధాయిలో ప్రేక్ష‌కుల ముందుకు తీసుకువ‌చ్చేందుకు ప్లాన్ చేస్తున్నారు మేక‌ర్స్.
ఇదిలా ఉంటే.. మహేష్ బ్లాక్ బ‌స్ట‌ర్ డైరెక్ట‌ర్ తో ముచ్చ‌ట‌గా మూడో సినిమా చేయ‌నున్నార‌ని వార్తలు వ‌స్తున్నాయి. ఇంత‌కీ.. ఎవ‌రా బ్లాక్ బ‌స్ట‌ర్ డైరెక్ట‌ర్ అంటారా.. కొరటాల శివ. మహేష్, కొరటాల శివ కలిసి శ్రీమంతుడు సినిమా చేశారు. ఈ సినిమా బాక్సాఫీస్ ద‌గ్గ‌ర భారీ వసూళ్లు రాబట్టమే కాదు.. సమాజం పై ఎంతో ప్రభావం చూపించింది. గ్రామాలను దత్తత తీసుకోవడం.. పుట్టిన ఊరికి ఏదొకటి చేయాలనే మంచి సందేశం.. అందించ‌డం జ‌రిగింది.
ఆత‌ర్వాత మహేష్, కొరటాల క‌ల‌సి ‘భరత్ అనే నేను’ సినిమా చేశారు. పొలిటికల్ యాక్షన్ డ్రామాగా తెరకెక్కిన ఈ మూవీ కూడా ఘన విజయం సాధించింది. దీంతో వీరిద్ద‌రి కాంబినేషన్ కు తిరుగులేదని నిరూపించింది. ఈ నేపథ్యంలో మహేష్ బాబు, కొరటాల కలిసి మూడో సినిమా చేయడానికి చర్చలు జరుపుతున్నారని టాలీవుడ్ లో టాక్ వినిపిస్తోంది. అయితే.. మహేష్ స‌ర్కారు వారి పాట త‌ర్వాత త్రివిక్ర‌మ్ తో సినిమా చేయ‌నున్నారు. ఆ త‌ర్వాత రాజ‌మౌళితో సినిమా చేయ‌నున్నారు. అందుచేత.. కొర‌టాల‌తో మహేష్ మూవీ ఫిక్స్ అయినా.. సెట్స్ పైకి రావ‌డానికి టైమ్ ప‌ట్ట‌చ్చు. క్లారిటీ రావాలంటే.. కొన్ని రోజులు ఆగాల్సిందే.
