Chaitu Shetty: యువ స‌మ్రాట్ నాగ‌చైత‌న్య న‌టించిన తాజా చిత్రం థ్యాంక్యూ. ఈ చిత్రానికి మ‌నం ఫేమ్ విక్ర‌మ్ కుమార్ ద‌ర్శ‌క‌త్వం వ‌హించారు. శ్రీ వెంక‌టేశ్వ‌ర క్రియేష‌న్స్ బ్యాన‌ర్ పై టాలీవుడ్ టాప్ ప్రొడ్యూస‌ర్ దిల్ రాజు ఈ చిత్రాన్ని నిర్మించారు. ఇటీవ‌ల రిలీజ్ చేసిన టీజ‌ర్ అండ్ సాంగ్స్ కు ట్రెమండ‌స్ రెస్పాన్స్ రావ‌డంతో సినిమా పై భారీ అంచ‌నాలు ఏర్ప‌డ్డాయి. జులై 8న థ్యాంక్యూ మూవీ ప్రేక్ష‌కుల ముందుకు రానుంది.
అయితే.. థ్యాంక్యూ త‌ర్వాత నాగ‌చైత‌న్య కోలీవుడ్ డైరెక్ట‌ర్ వెంక‌ట్ ప్ర‌భు డైరెక్ష‌న్ లో ఓ భారీ చిత్రం చేస్తున్నారు. ఈ మూవీ తెలుగు, తమిళ్ లో రూపొందుతోంది. ఇటీవ‌ల ఈ మూవీని అఫిషియ‌ల్ గా అనౌన్స్ చేశారు. ఇప్పుడు ఈ సినిమా గురించి ఓ న్యూస్ బ‌య‌ట‌కు వ‌చ్చింది. అది ఏంటంటే.. ఈ సినిమాలో నాగ‌చైత‌న్య స‌ర‌స‌న పూజా హేగ్డే, లేదా శ్రీలీల న‌టించ‌నున్న‌ట్టుగా వార్తలు వ‌చ్చాయి. ఈ ఇద్ద‌రిలో ఒక‌రిని ఎంపిక చేస్తార‌నుకున్నారు కానీ.. కృతిశెట్టిని ఎంపిక చేశార‌ని స‌మాచారం.
నాగ‌చైత‌న్య స‌ర‌స‌న కృతిశెట్టి బంగార్రాజు సినిమాలో న‌టించింది. సంక్రాంతికి వ‌చ్చిన ఆ సినిమా బ్లాక్ బ‌స్ట‌ర్ అయ్యింది. ఇప్పుడు మ‌రోసారి నాగ‌చైత‌న్య స‌ర‌స‌న న‌టించే ల‌క్కీ ఛాన్స్ ద‌క్కించుకుంది. డైరెక్ట‌ర్ వెంక‌ట్ ప్ర‌భు ఎప్ప‌టి నుంచో తెలుగులో సినిమా చేయాల‌ని ట్రై చేస్తుంటే.. ఇప్ప‌టికి సెట్ అయ్యింది. మ‌రి.. నాగ‌చైత‌న్య‌ను వెంక‌ట్ ప్ర‌భు ఎలా చూపిస్తాడో..? ఏ రేంజ్ స‌క్స‌స్ అందిస్తాడో చూడాలి.
Also Read : నాగ‌చైత‌న్య.. నందినీ రెడ్డి మూవీ క‌న్ ఫ‌ర్మ్ అయ్యిందా?
