ఈ అవకాశం రావడం గర్వంగా ఉంది : భాగ్యశ్రీ

young mother:  సల్మాన్ ఖాన్ రొమాంటిక్ హిందీ మూవీ ‘మైనే ప్యార్‌ కియా’ ద్వారా హీరోయిన్‌గా పరిచయమైన నటి భాగ్యశ్రీ. ‘ప్రేమ పావురాలు’ తో తెలుగు ప్రేక్షక హృదయాలను ఉర్రూతలూగించింది. ఆ తర్వాత‌ బాలకృష్ణ హీరోగా నటించిన యువరత్న రాణా సినిమాలో బాలకృష్ణ చెల్లెలిగా, రాజశేఖర్ హీరోగా నటించిన ‘ఓంకారం’లోను నటించి మంచి గుర్తింపు తెచ్చుకుంది.

ఆ త‌ర్వాత‌ పలు హిందీ, మరాఠి, కన్నడ, భోజ్‌పురి సినిమాల్లో భాగ్యశ్రీ నటించారు. సుమారు రెండు దశాబ్దాల తరవాత మళ్ళీ ఆమె సెకండ్ ఇన్నింగ్స్ మొదలు పెట్టారు. అది కూడా తాజాగా ప్రభాస్ హీరోగా నటించిన‌ “రాధేశ్యామ్”చిత్రంతో కావడం విశేషం. ఈ సినిమాలో ప్రభాస్ కి తల్లిగా నటిస్తూ ప్రేక్షకుల ముందుకు రాబోతున్న భాగ్యశ్రీ మీడియాతో ప‌లు విష‌యాల‌ను పంచుకున్నారు. ఆ విశేషాలు ఆమె మాట‌ల్లోనే…

“నేను సినిమాలు చేయాలనుకున్నప్పుడు మొదటిసారిగా తలైవి, రాదే శ్యామ్ సినిమాల్లో యంగ్ మదర్ క్యారెక్టర్ చేయమని రెండు సినిమాల దర్శకులు వేరు వేరుగా కథలు చెప్పడం జరిగింది. రెండు సినిమాలు ప్యార్లల్ గా ఒకేసారి స్టార్ట్ అయినా కూడా ప్యాండమిక్ కారణంగా ‘రాధేశ్యామ్’ డిలే అయ్యింది. పాన్ ఇండియా స్టార్ అయిన ప్రభాస్ కు తల్లిగా, రాధే శ్యామ్ సినిమాలో నటిస్తున్నందుకు చాలా సంతోషంగా ఉంది.\

ప్రభాస్ చాలా గొప్ప నటుడు తనకు పాన్ ఇండియాలో ఎంతో క్రేజ్ ఉన్నప్పటికీ తోటి వ్యక్తులతో తో కలిసి మెలిసి ఉంటాడు. తనతో సెట్ లో నటించేటప్పుడు ఫ్యామిలీ వాతావరణం ఉండేది. పెద్ద హీరోననే గర్వం లేకుండా డౌన్ టూ ఎర్త్ ఉండటం ఈ మధ్య కాలంలో ప్రభాస్ నే చూస్తున్నాను. యు.వి.క్రియేషన్స్ వాళ్ళు మంచి ప్రొడక్షన్ వ్యాల్యూస్ తో సినిమా తీశారు. ఏ విషయంలో కూడా రాజీ పడకుండా గొప్పగా చిత్రీకరించారు. జార్జియాలో గడ్డ కట్టే చలి వున్నా కూడా నిర్మాతలు మమ్మల్ని బాగా చూసుకున్నారు.

‘మైనే ప్యార్‌ కియా” తరువాత నేను కొన్ని సినిమాలు చేశాను. ఆ టైం లో పెళ్లి చేసుకొంటే ఫ్యామిలీ బాండింగ్ బాగుంటుందని నేను పెళ్లి చేసుకున్నాను. ఫ్యామిలీతో బిజీ గా ఉన్నందున నేను సినిమాలకు దూరం అయ్యాను. ఇప్పుడు మా పిల్లలు పెద్దయ్యారు, మావారు కూడా సినిమాలలో నటించమని ప్రోత్సాహించడంతో మళ్ళీ కెమెరా ముందుకు వచ్చాను. తెలుగు సినిమా ఇండస్ట్రీ అంటే నాకు చాలా ఇష్టం. ఇంతకు ముందు తెలుగు ప్రేక్షకులు నన్నెంతగానో ఆదరించారు. ఇవాళ బాలీవుడ్ లో ప్రతి ఒక్కరూ తెలుగు, తమిళ ఇండస్ట్రీ వైపు చూస్తున్నారు. ఎందుకంటే.. తెలుగు నుంచి చాలా మంచి చిత్రాలు తీస్తున్నారు. తెలుగులో ఒక్క మదర్ క్యారెక్టర్స్ మాత్రమే కాకుండా నటనకు మంచి స్కోప్ వుండే పర్ఫార్మెన్స్ పాత్రలు ఏవైనా చేయడానికి సిద్ధంగా వున్నాను అన్నారు.

Also Read : నా అంచనాలు విఫలం : ప్రభాస్