ప‌వ‌ర్ స్టార్ ప‌వ‌న్ కళ్యాణ్, విభిన్న క‌థా చిత్రాల ద‌ర్శ‌కుడు క్రిష్ కాంబినేష‌న్లో ‘హ‌రి హ‌ర వీర‌మ‌ల్లు‘ రూపొందుతోన్న విష‌యం తెలిసిందే. 120 కోట్ల‌కు పైగా భారీ బడ్జెట్ తో ఈ మూవీని సీనియ‌ర్ ప్రొడ్యూస‌ర్ ఏఎం ర‌త్నం నిర్మిస్తున్నారు. ఇది ప‌వ‌న్ కళ్యాణ్ ఫ‌స్ట్ పాన్ ఇండియా మూవీ. ఈ మూవీ కోసం అభిమానులు ఆతృత‌గా ఎదురు చూస్తున్నారు. క‌రోనాతో పాటు ప‌వ‌న్ రాజకీయాల్లో బిజీగా ఉండ‌డం కార‌ణంగా షూటింగ్ చాలా ఆల‌స్యం అయ్యింది.
ఇప్పటికే ఈ సినిమా రిలీజ్ డేట్స్ మూడు సార్లు మార్చారు. ఈ ఏడాది సంక్రాంతికి రావాల్సిన సినిమా ఉహాలకందని రేంజ్ లో గ్యాప్ తీసుకుంది. ఈ సమ్మర్ కాదు దసరా అన్నారు. కనీసం వచ్చే సంక్రాంతికి వ‌స్తుంది అనుకుంటే.. అది కూడా సెట్ అవ్వలేదు. ఇక ఫైనల్ గా ఈ సినిమా 2023 మార్చి 30వ తేదీన విడుదల కాబోతున్నట్లు ప్ర‌క‌టించారు. ఇక ఆ డేట్ పై అయితే అభిమానుల్లో ఒక బలమైన సెంటిమెంట్ కూడా కొనసాగుతోంది. ఆ రోజు వస్తే తప్పకుండా సక్సెస్ అవుతుంది అని కూడా అంటున్నారు.
రామ్ చరణ్ నటించిన ‘రంగస్థలం’ కూడా అదే రోజు వచ్చింది. కాబట్టి ఈ సినిమా సెంటిమెంట్ పరంగా కచ్చితంగా సక్సెస్ అవుతుంద‌ని బ‌లంగా న‌మ్ముతున్నారు. ఈ సినిమా షూటింగ్ ఎంత వరకు పూర్తయింది అనే విషయంలో అయితే ఎలాంటి క్లారిటీ లేదు. ఇక అప్ డేట్స్ విషయంలో కూడా చిత్ర యూనిట్ చాలా స్లోగా ఉంది. మ‌రి.. ఇక నుంచి వీర‌మ‌ల్లు స్పీడు పెంచుతాడేమో చూడాలి.
Also Read : ‘..వీర‌మ‌ల్లు’పై ప‌వ‌న్ అసంతృప్తి నిజ‌మేనా?
