శ్రీ వేంకటేశ్వర సాయి క్రియేషన్స్ పతాకంపై హరి ఐనీడి, రమ్య కొమ్మాలపాటి నిర్మిస్తున్న ‘మిస్సమ్మ’ అనే చిత్రం ద్వారా అభిరాజ్ రుపాల, సతీష్ V. M అనే ఇద్దరు కొత్త డైరెక్టర్స్ పరిచయం అవుతున్నారు. విభిన్న క‌థాంశంతో రూపొందుతోన్న మిస్సమ్మ చిత్రాన్ని సినిమాటోగ్రఫీ శాఖ మంత్రి వర్యులు తలసాని శ్రీనివాస్ యాదవ్ హీరో, హీరోయిన్ల ఫై క్లాప్ కొట్టి ఘనంగా ప్రారంభింఛి యూనిట్ కు హృదయపూర్వక శుభాకాంక్షలు తెలిపారు. ఇంత మంచి కాన్సెప్ట్ తో వస్తున్న మిస్సమ్మ హిట్ కావాలని ఆయన ఆకాంక్షించారు. ‘తన సన్నిహితుడు హరి అయినీడి సినిమా పరిశ్రమలో చాలా కష్టపడ్డాడు, పెద్ద పెద్ద సినిమాలకు వర్క్ చేశారు, పాషన్ ఉన్న నిర్మాత, మంచి వ్యక్తి. అలాంటి హరికి ఈ సినిమా మంచి సక్సెస్ ఇవ్వాలి’ అన్నారు. ప్రొడ్యూసర్ ఆరా మస్తాన్ కెమెరా స్విచ్ ఆన్ చేయ‌గా.. ‘సోలో బ్రతుకే సో బెటర్’ దర్శకుడు సుబ్బు ఫస్ట్ షార్ట్ డైరెక్షన్ చేశారు.
సెల్ఫ్ మేడ్ పర్సనాలిటీ, డేరింగ్ అండ్ డ్యాషింగ్ నేచర్, లైవ్లీ అండ్ లవ్లీ బిహేవియర్ తో అలనాటి మిస్సమ్మ ఆల్ టైం క్లాసిక్‌గా చరిత్రలో నిలిచిపోయింది. అలాంటి క్యారెక్టరైజేషన్ తీసుకుని సరికొత్త కథ, కథనాలతో చేస్తున్న ప్రయత్నం ఈ మిస్సమ్మ. సైంటిఫిక్, హిస్టారిక్ అంశాలతో థ్రిల్లింగ్ ఎంటర్టైనర్‌గా తెరకెక్కబోతోంది. హార్ట్ టచింగ్ ఎమోషన్స్‌తో పాటు ఎంటర్ టైనింగ్ లవ్ స్టోరీ అండ్ యూనిక్ కాన్సెప్ట్ తో ప్రేక్షకుల ముందుకు రాబోతోంది ఈ మిస్సమ్మ . బ్రిటీషర్స్ రాక ముందు ఇండియన్ హిస్టరీ నుంచీ, బ్రిటిషర్స్ రిజైమ్ నుంచీ కొన్ని ఇంట్రెస్టింగ్ విషయాలు తీసుకుని, ఆ విషయాలను ఆసక్తికరంగా, ఎంటర్టైనింగ్‌గా, థ్రిల్లింగ్‌గా చెప్పే ప్రయత్నం ఈ మిస్సమ్మ’.. అని దర్శకులు తెలిపారు.
