Are Samba: ‘హృదయ కాలేయం’తో హీరోగా ప‌రిచ‌య‌మైన బర్నింగ్‌ స్టార్ సంపూర్ణేష్‌బాబు ప్రస్తుతం ‘ధగఢ్ సాంబ’ అనే స‌రికొత్త టైటిల్‌తో మ‌న ముందుకు రానున్నారు. బి.ఎస్. రాజు సమర్పణలో ప్రవీణ క్రియేషన్స్ ప్రవేట్ లిమిటెడ్ బ్యానర్ పై సంపూర్ణేష్ బాబు, సోనాక్షి హీరో హీరోయిన్లుగా ఎన్.ఆర్.రెడ్డి దర్సకత్వంలో తెరకెక్కిన ఈ చిత్రాన్ని నిర్మాత ఆర్ ఆర్. బీహెచ్ శ్రీను కుమార్ రాజు నిర్మించారు. ఇంతకు ముందు విడుదలైన టీజర్ & ప్రోమోకు, పాటలకు మంచి స్పందన లభిస్తోంది. ఈ చిత్రం మే 20 న విడుదలకు సిద్ధమైంది.
ఈ సంద‌ర్భంగా హీరో సంపూర్ణేష్ బాబు మాట్లాడుతూ… ఒక చిన్న ప్రాబ్లమ్ వల్ల చిన్నపుడు తన ఆస్తి అంతా కోల్పేతే.. మళ్లీ అది సంపాదించుకోవడానికి వాళ్ళు చేసే అన్యాయాన్ని అరికట్టే క్రమంలో జరిగే సినిమా “డగడ్ సాంబ”. టైటిల్ కు తగ్గట్టే ఈ సినిమా చాలా డీఫ్రెంట్ గా ఫుల్ ఔట్ & ఔట్ కామెడీ తో పాటు చిన్న హర్రర్ టచ్ ఉంటుంది. ఇప్పటి వరకు నేను ఎక్కువగా కామెడీ రోల్ లో నటించాను. ఇందులో మొదటి సాటి హర్రర్ వైపు అంటే సీరియస్ గా వుండే డిఫ‌రెంట్ సబ్జెక్ట్ చేశాను.
కొబ్బరి మట్ట, సింగం 123, పెదరాయుడు వంటి సినిమాలో ఎక్కువగా స్కూప్స్ వున్నా ఈ సినిమాలో అలాంటి స్కూప్స్ ఉండవు. ఇందులోని డైలాగ్స్ డిఫ‌రెంట్ గా ఉంటాయి. హీరోయిన్ కొత్త అమ్మాయి అయినా డ్యాన్స్ పరంగా యాక్టింగ్ పరంగా చాలా బాగా చేసింది. అలాగే నాతో పాటు జ్యోతి, భాషా, అప్పారావు నటించారు. ఈ సినిమా లో ఉన్న నాలుగు ఫైట్స్ ను నలుగురు ఫైట్ మాస్టర్స్ తో చేయడం చాలా సంతోషంగా ఉంది. ఈ సినిమాలో సెంటిమెంట్ తో పాటు మాస్ ప్రేక్షకులను ఆకట్టుకునే యాక్షన్ ఫైట్స్ మరియు ఎన్నో.. ట్విస్ట్ టర్న్స్ తో ప్రేక్షకులను ఈ సినిమా మెస్మరైజ్ చేస్తుంది. మంచి కథాంశంతో వస్తున్న ఈ చిత్రాన్ని కూడా ప్రేక్షకులు అందరూ ఆదరించాలని మనస్ఫూర్తిగా కోరుతున్నాను.
ఇప్పటి వరకు నేను 12 సినిమాలు హీరోగా చేశాను. ఇప్పుడు రిలీజ్ అయ్యే సినిమా ఏడవ సినిమా. ఇంకా మూడు సినిమాలు రిలీజ్ కు ఉన్నాయి. .”బ్రిలియంట్ బాబు” సన్నాఫ్ తెనాలి, “దాన వీర శూరకర్ణ”, మిస్టర్ బెగ్గర్, మరియు ఒక తమిళ్ సినిమాలో హీరోగా చేస్తున్నాను. అది 70% షూట్ కంప్లీట్ అయ్యింది. ఇవి కాకుండా మరికొన్ని ప్రాజెక్ట్స్ ఉన్నాయి. వాటి వివరాలు త్వరలో తెలియజేస్తాను. ఈ నెల 20 న ప్రేక్షకుల ముందుకు వస్తున్న ధగఢ్ సాంబ అంద‌రికీ న‌చ్చుతుంది. ఈ చిత్రాన్ని ప్రేక్షకులందరూ ఆదరించి ఆశీర్వదించాలని కోరుకుంటున్నాను” అన్నారు.
