Aasha encounter: శ్రీకాంత్ అయ్యంగార్, సోనియా అకుల, వెంకట్, శ్రీధర్, ముని, నవీన్, కళ్యాణ్, ప్రవీణ్, ప్రశాంతి ప్ర‌ధాన తారాగ‌ణంగా ఆనంద్ చంద్ర దర్శకత్వంలో రూపొందిన చిత్రం ఆశా.. ఎన్ కౌంటర్. ఈ చిత్రాన్ని అనురాగ్ కంచర్ల నిర్మించారు. అన్ని కార్యక్రమాలు పూర్తి చేసుకున్న ఈ చిత్రాన్ని నూతన సంవత్సర శుభాకాంక్షలతో జనవరి 1న విడుదల చేస్తున్నారు.
ఈ సందర్భంగా చిత్ర నిర్మాత అనురాగ్ కంచర్ల మాట్లాడుతూ.. అనివార్య కారణాల వలన పెద్ద సినిమాలతో పాటు పాన్ ఇండియా సినిమాలు రావడం వలన మా చిత్రం విడుదల వాయిదా పడింది. ఇప్పుడు మేము నూతన సంవత్సర శుభాకాంక్షలతో జనవరి 1న ఈ చిత్రాన్ని విడుదల చేస్తున్నాం అని అన్నారు.
చిత్ర దర్శకుడు ఆనంద్ చంద్ర మాట్లాడుతూ “ఈ సినిమా గురించి వర్మ గారు చాలా విషయాలు చెప్పారు. జరిగిన అనేక వాస్తవ కథనాలతో ఈ సినిమా చేయడం జరిగింది. అన్ని కార్యక్రమాలు పూర్తి చేసుకున్న ఈ చిత్రాన్ని జనవరి 1న విడుదల చేస్తున్నాం. టెక్నీషియన్లు అంద‌రికీ ఈ సినిమా విడుదలైన తర్వాత చాలా మంచి పేరు వస్తుంది” అన్నారు.
రామ్ గోపాల్ వర్మ మాట్లాడుతూ “ఆశా ఎన్ కౌంటర్ జరగడానికి కారకులు ఎవరు.? అనేది ఈ చిత్రంలో దర్శకుడు చాలా బాగా చూపించాడు. మర్డర్ మూవీతో ఎంతో మంచి దర్శకుడు అనిపించిన ఆనంద్ చంద్ర ఈ సినిమా ద్వారా మరో మెట్టు పైకి ఎదుగుతాడు” అన్నారు.
Also Read : ఆది సినిమా గ్లాన్స్ రిలీజ్ చేసిన సందీప్ కిషన్
