వార ఫలాలు

21-04-2024 నుండి 27-04-2024 వరకూ

Weekly Horoscope in Telugu :

మేషం (Aries):
అభీష్టం నెరవేరుతుంది. బంధుమిత్రుల సహకారంతో చేపట్టిన కార్యాల్లో శుభ ఫలితాలు అందుకుంటారు. అవసరానికి సరిపడా డబ్బు సమకూరుతుంది. నూతన వస్తువులు కొంటారు. శుభకార్యాల్లో పాల్గొంటారు. వాహనయోగం ఉంది. జీవిత భాగస్వామి తోడ్పాటుతో కుటుంబ వ్యవహారాలను చక్కదిద్దుతారు. ఇతరులతోనూ సత్సంబంధాలు ఏర్పడతాయి. ప్రయాణాలు ఆనందకరంగా సాగుతాయి. వారం చివరలో.. ఇతరులపై చెడు అభిప్రాయం వల్ల స్వల్ప తగాదాలు తలెత్తే వీలుంది. పెద్దల ఆగ్రహానికి గురవుతారు.

వృషభం (Taurus):
చేపట్టిన పనులు సవ్యంగా లాభదాయకంగా సాగుతాయి. అవసరానికి తగ్గంత డబ్బు సమకూరుతుంది. పూర్వ వైభవాన్ని పొందే ప్రయత్నం చేస్తారు. బంధుమిత్రుల తోడ్పాటు లభిస్తుంది. ఆరోగ్యం మెరుగ్గా ఉంటుంది. జీవిత భాగస్వామి సూచనలు పాటించండి. మానసిక శాంతి, శారీరక ఆనందాన్ని పొందుతారు. శుభకార్యాలు, విందుల్లో పాల్గొంటారు. నూతన విజ్ఞానం పొందేందుకు అనువైన సమయమిది. కీర్తి ప్రతిష్టలు పెరుగుతాయి. విలువైన వస్తువులను భద్రంగా చూసుకోండి. వాత సంబంధ సమస్యలు గోచరిస్తున్నాయి.

మిథునం (Gemini):
ఆచితూచి వ్యవహరించాలి. ఆటంకాలు సృష్టించేవారు ఎక్కువవుతారు. చేపట్టిన పనుల పూర్తికి సమయం పడుతుంది. బద్ధకాన్ని వీడి కష్టించాలి. డబ్బుకి కొద్దిగా ఇబ్బందిగానే ఉంటుంది. ఇతరుల వ్యవహారాల్లో తలదూర్చితే విరోధాలు తప్పవు. ఖర్చులు అదుపు చేసుకోవాలి. తల్లి, తత్సమానమైన వారి ఆరోగ్యం ఆందోళన కలిగిస్తుంది. విలువైన వస్తువులు, డాక్యుమెంట్లు దొంగతనానికి గురయ్యే సూచనలున్నాయి. వారం చివరలో పరిస్థితిలో కొద్దిగా మార్పు వస్తుంది. కీలకమైన వ్యవహారంలో విజయం సిద్ధిస్తుంది.

Weekly Horoscope in Telugu :

కర్కాటకం (Cancer):
అభీష్టం నెరవేరేందుకు బాగా శ్రమించాలి. ప్రతి పనికీ ఆటంకాలు ఎదురవుతాయి. మానసిక ఒత్తిడికి కారణమవుతుంది. అవసరానికి తగ్గంత డబ్బు సమకూరుతుంది. అయితే ఖర్చులు పెరుగుతాయి. బంధువులతో విరోధం గోచరిస్తోంది. సంభాషణల్లో ఆచితూచి వ్యవహరించండి. బుద్ధి నిలకడగా ఉండదు. అనవసర జోక్యాల వల్ల అవమానాలు ఎదుర్కొంటారు. కుటుంబ సౌఖ్యం ఉంటుంది. కీలకమైన సమయంలో మిత్రులు తోడుగా ఉంటారు. ఆత్మీయుల కలయిక అమితానందాన్నిస్తుంది. వాత సమస్యలుంటాయి

సింహం (Leo):
మిశ్రమ ఫలితాలుంటాయి. ఆటంకాలు ఎదురైనా పనులు విజయవంతం అవుతాయి. అవసరానికి తగ్గంత డబ్బు సమకూరుతుంది. నూతన వస్త్రాలు కొంటారు. మాట నిలుపుకోలేని కారణంగా నిందలు పడాల్సి వస్తుంది. ఇతరుల వ్యవహారాల్లో జోక్యం సరికాదు. అకారణ విరోధాలకు కారణమవుతుంది. ఆస్తి అమ్మే ప్రయత్నాలు వాయిదా వేయండి. వేళకు భోజనం ఉండదు. తల్లి ఆరోగ్యం ఆందోళన కలిగిస్తుంది. ధైర్యసాహసాలను వీడకండి. మిత్రులు తోడుగా ఉంటారు. ఆత్మీయులతో సంభాషణ ఉత్తేజాన్నిస్తుంది.

కన్య (Virgo):
అభీష్టం నెరవేరుతుంది. అవసరానికి సరిపడా డబ్బు సమకూరుతుంది. చక్కటి సౌకర్యాలు సమకూర్చుకుంటారు. కీలక సమయంలో అదృష్టం తోడుగా నిలుస్తుంది. బంధువులతో విందు వినోదాల్లో పాల్గొంటారు. కొత్త బాధ్యతలు చేపట్టాల్సి వస్తుంది. సమాజంలో గౌరవం పెరుగుతుంది. మానసిక స్థితి ఉత్సాహకరంగా ఉంటుంది. మాట నిలుపుకోని కారణంగా నింద ఎదుర్కోవాల్సి రావచ్చు. కుటుంబంలో స్వల్ప చికాకులు తలెత్తవచ్చు. కంటి సంబంధ సమస్యలను నిర్లక్ష్యం చేయకండి. ఖర్చులు తగ్గించండి.

తుల (Libra):
అన్ని వ్యవహారాల్లో ఆచితూచి వ్యవహరించండి. డబ్బుకి కాస్త ఇబ్బందిగా ఉంటుంది. మానసికమైన దిగులుకు కారణమవుతుంది. బంధువులతో విరోధం గోచరిస్తోంది కాబట్టి అనవసర విషయాల్లో తలదూర్చకండి. ప్రయాణాలు లాభించవు. వేళకు భోజనం ఉండదు. కుటుంబంలో స్వల్ప చికాకులు తప్పవు. మాట నిలుపుకోని కారణంగా నిందలు వస్తాయి. ఆస్తి అమ్మే ప్రయత్నాలు లాభించవు. కీలకమైన తరుణంలో అదృష్టం తోడుగా ఉంటుంది. కొత్త బాధ్యత చేపడతారు. శారీరక సౌఖ్యాన్ని పొందుతారు.

Weekly Horoscope in Telugu :

వృశ్చికం (Scorpio):
అభీష్టం నెరవేరుతుంది. ధన సంబంధ సమస్యలు తీరతాయి. అప్పులు చెల్లించే ప్రయత్నాలు ఫలిస్తాయి. ఇంట్లో సుఖశాంతులుంటాయి. నూతన విజ్ఞానాన్ని పొందేందుకు అనువైన సమయం. కీలకమైన వేళ మిత్రులు తోడుగా ఉంటారు. శారీరక, మానసిక ప్రశాంతతను పొందుతారు. అదృష్టం తోడుగా ఉంటుంది. వాహనయోగం ఉంది. కొత్త బాధ్యతలు చేపడతారు. విదేశీ ప్రయాణ ప్రయత్నాలు అనుకూలిస్తాయి. ఖర్చులు అదుపుతప్పుతాయి. బద్ధకం వల్ల ఇబ్బందులు తలెత్తే వీలుంది. శుభకార్యాల్లో పాల్గొంటారు.

ధనుస్సు (Sagittarius):
ఉత్సాహభరితంగా గడుపుతారు. ఇష్టకార్యాలు అనుకూలంగా సాగుతాయి. పెద్దలు, అధికారులు తోడుగా ఉంటారు. బంధువులను కలుస్తారు. విందుల్లో పాల్గొంటారు. నూతన బాధ్యతలను స్వీకరించాల్సిన పరిస్థితి ఉంటుంది. మీలో ఆత్మవిశ్వాసం వృద్ధి చెందుతుంది. ఇంట్లో శాంతి నెలకొంటుంది. కొత్త స్నేహాలు ఏర్పడతాయి. ఇతరుల నుంచి చక్కటి సహాయ సహకారాలు అందుతాయి. ఆరోగ్య సంబంధ చికాకులు తొలగిపోతాయి. శుభకార్యాలు నిర్వహించే సూచన ఉంది. సంతాన వ్యవహారాలు సంతృప్తినిస్తాయి.

మకరం (Capricorn):
అభీష్టాలు నెరవేరతాయి. చేపట్టిన ప్రతి పనీ సఫలం అవుతుంది. ధనసంబంధ చికాకులు తొలగుతాయి. అప్పులు చెల్లించే ప్రయత్నాలు అనుకూలిస్తాయి. శత్రువులమీద పైచేయి సాధిస్తారు. అధికారులు, పెద్దల ఆదరాభిమానాలను పొందుతారు. అవకాశాలను సద్వినియోగం చేసుకోండి. ఇంట్లో శాంతియుత వాతావరణ ఉంటుంది. సమాజంలో గౌరవ మర్యాదలు పెరుగుతాయి. నూతన స్నేహాలు లాభదాయకంగా ఉంటాయి. ఆరోగ్యం మెరుగ్గా ఉంటుంది. విందుల్లో పాల్గొంటారు. సంతాన సంబంధ వ్యవహారాలు ఆనందాన్నిస్తాయి.

కుంభం (Aquarius):
చేపట్టి పనులు విజయవంతం అవుతాయి. అభీష్టం నెరవేరుతుంది. బంధువులతో విందు వినోదాల్లో పాల్గొంటారు. శత్రువులపై విజయం సాధిస్తారు. అధికారుల ఆదరాభిమానాలు పొందుతారు. ఆత్మవిశ్వాసం పెరుగుతుంది. గౌరవ మర్యాదలు వృద్ధి చెందుతాయి. ఇంట్లో శాంతి నెలకొంటుంది. అవకాశాలు సద్వినియోగం చేసుకోండి. ఇతరులపై చెడు అభిప్రాయం వల్ల స్వల్ప తగాదాలు గోచరిస్తున్నాయి. విదేశీ ప్రయాణ ప్రయత్నాలు ఫలిస్తాయి. భవిష్యత్ కోసం వేసే ప్రణాళికలు ఫలిస్తాయి. ఆధ్యాత్మికత పెరుగుతుంది.

మీనం (Pisces):
కీలకమైన కార్యాలను వారం ప్రారంభంలోనే చేపట్టండి. ధనలాభం ఉంది. వస్తు, వాహన సౌఖ్యాన్ని పొందుతారు. జీవిత భాగస్వామి సూచనలు పాటించడం శ్రేయస్కరంగా ఉంటుంది. బంధుమిత్రులను కలుస్తారు. విందుల్లో పాల్గొంటారు. ఇతరులతోనూ సత్సంబంధాలు ఏర్పడతాయి. ప్రయాణాలు ఆనందకరంగా సాగుతాయి. స్వల్ప తగాదాలు, పెద్దలు ఆగ్రహానికి గురికావడం వంటి సూచనలున్నాయి. విదేశీ ప్రయాణ ప్రయత్నాలు అనుకూలిస్తాయి. ఆరోగ్యం జాగ్రత్త. ఆధ్యాత్మిక చింతన పెరుగుతుంది.

గమనిక :
జన్మరాశిని అనుసరించి ఈ ఫలితాలు చూసుకోవాలి. ఇవి, గోచార గ్రహాల సంచారాన్ని బట్టి నిర్ణయించిన స్థూల ఫలితాలు. వ్యక్తిగత జాతక ఫలితాలు తెలుసుకో దలచిన వారు, తమ జన్మ వివరాలు (పుట్టిన తేదీ, పుట్టిన సమయం, పుట్టిన ఊరు) దిగువ సూచించిన మెయిల్ ఐడీకి పంపగలరు.

శుభం భూయాత్

పి.విజయకుమార్
astrovijay67@gmail.com